Hikmət Hacıyev: “Melkumyanı Ermənistanda psixoloji işgəncələr gözləyirdi”
“Belə çıxır ki, Ermənistan istintaq komitəsinin sədrinin timsalında Ermənistan artıq beynəlxalq humanitar təşkilatları ittiham etməyə başlayıb. 84 yaşlı Mişa Melkumyan fiziki yardıma ehtiyac duyduğu halda döyüş meydanında Ermənistan ordusu tərəfindən tənha qoyulub qaçılmışdı. Azərbaycanın beynəlxalq təşkilatlar vasitəsilə 18 oktyabrdan etibarən müraciətinə baxmayaraq, Ermənistan bu şəxsi qəbul etməkdən imtina edirdi. Sözügedən şəxs Beynəlxalq Qızıl Xaç Komitəsinin nümandələrinin də iştirakı ilə həkim müayinəsində olmuşdu”.
Rakus.az xəbər verir ki, bu sözləri Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
“Mişa Melkumyan təbii yolla vəfat etməsəydi, yəqin yaşlı erməni qadın kimi onu da Ermənistan istintaq komitəsinin müstəntiqlərinin fiziki və psixoloji işgəncələri gözləyirdi. Bu hal bir daha Ermənistanın siyasi-hərbi rəhbərliyinin humanist dəyərləri hələ dərk etməkdən çox uzaq olduğunu, 84 yaşlı insanın təbii ölümünü belə siyasi möhtəkirlik obyektinə çevirməkdən çəkinmədiyini göstərir”, – H.Hacıyev belə deyib.
