Braziliya yığmasının keçmiş hücumçusu Ronaldo əfsanəvi argentinalı futbolçu Dieqo Maradonanın iki saat taxmasının sirrini açıqlayıb.
Rakus.az xəbər verir ki, o un sözlərinə görə, bu sirri Madriddə onların ilk görüşlərindən biri zamanı öyrənib.
“Maradona ilə şam edəcəkdik. O, qolunda iki saatla gəldi. Mən bunun səbəbini soruşdum. O, bunun qızının hədiyyəsi olduğunu deyərək, başqa şəkildə evdən çıxmadığını söylədi. Yeməyin sonunda Diego saatlardan birini çıxarıb mənə hədiyyə etdi. Götürmək istəmədim, amma o, əsəbləşdi və çıxış yolum qalmadı”, – Ronaldo xatirəsini bölüşüb.
O, Maradonanın səxavətini və dostluqlarını xatırlatmaq üçün bu saatı ömrünün sonuna qədər saxlayacağını vurğulayıb.
