Şəhid Səbuhi Tağıyevin nəşi torpağa tapşırılıb - FOTO - VİDEO
Ermənistan silahlı qüvvələrinin ötən gün törətdikləri təxribatın qarşısını alarkən şəhid olan Azərbaycan Ordusunun hərbi qulluqçusu Səbuhi Gündüz oğlu Tağıyevin cənazəsi Şahbuz rayon Badamlı qəsəbə qəbiristanlığına gətirilib.
Rakus.az Oxu.Az-a istinadla xəbər verir ki, şəhidimizin cənazə namazı qılınıb.
Şəhid Səbuhi Tağıyevin nəşi torpağa tapşırılıb.
14:30
Aprelin 11-i Ermənistan silahlı qüvvələrinin bölmələrinin Azərbaycan Ordusunun Laçın rayonu istiqamətindəki üzbəüz mövqelərini atəşi tutması nəticəsində şəhid olan Səbuhi Gündüz oğlu Tağıyevin nəşi ailəsinə təhvil verilib.
Mərhumun cənazəsi Naxçıvan MR Şahbuz rayonunun Badamlı qəsəbəsinə gətirilib.
Hazırda şəhidlə vida mərasimi keçirilir. Mərasimdə şəhidin yaxınları ilə yanaşı, hərbçi yoldaşları, rəsmi şəxslər, hüquq-mühafizə orqanlarının əməkdaşları və rayon sakinləri iştirak edirlər.
Vida mərasimindən sonra şəhid Badamlı qəsəbə qəbiristanlığında torpağa tapşırılacaq.
13:24
Aprelin 11-i Ermənistan silahlı qüvvələrinin bölmələri Azərbaycan Ordusunun Laçın rayonu istiqamətindəki üzbəüz mövqelərini atəşi tutması nəticəsində şəhid olan Səbuhi Gündüz oğlu Tağıyevin nəşi Naxçıvana aparılıb.
Şəhidin nəşi ailəsinə təhvil verilməsi üçün Naxçıvan MR-in Şahbuz rayonunun Badamlı qəsəbəsinə aparılacaq.
Şəhidlə vida mərasimi doğulduğu evdə keçiriləcək.
