İlk turun mənzərəsi: epizodlar, qollar, növbəti oyunlar və bombardirlər
Zəfər Günü (8 Noyabr) münasibətilə sabah, oktyabrın 15-də Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turniri davam edir.
Rakus.az xəbər verir ki, oktyabrın 14-də aılış mərasimindən sonra A və B qrupunda 2 qarşılaşma baş tutub. Meydana ilk olaraq “Ardanış” və “Zəngəzur” komandaları çıxıb. Gərgin mübarizə şəraitində keçən qarşılaşma “Ardanış”ın 5:3 hesablı qələbəsi ilə yekunlaşıb.
“İrəvan” – “Loru-Borçalı” oyunu çox maraqlı keçib. İlk hissədə komandalar bərabər səviyyəli oyun nümayiş etdiriblər. Lakin “İrəvan” ikinci hissədə üstünlüyü əldə edərək sahədən qələbə ilə ayrılıblar – 9:5.
B Qrupu
“Ardanış” – “Zəngəzur” – 5:3
Qollar: Hüseyn Qarayev (2), Kamran Əhmədli, Emin İmaməliyev, İsa İsayev.
Sərxan Mustafayev, Nurani İsgəndərov, Fərid Səttarzadə.
A qrupu
19:30
“İrəvan” – “Loru-Borçalı” – 9:5
Qollar: İsmayıl Babayev (3), Umman Ağamalıyev (3), Ceyhun İrinli, Rauf Əmiraslanov, Emin Zeynalov.
Anar Verdiyev (3), Səhman Xasıyev, Hidayət Xudiyev.
Oktyabrın 15-də A və B qrupu üzrə 1-ci turun son 2 qarşılaşması olub.
A qrupu üzrə yaşıl sahəyə ilk olaraq “Qərbi Azərbaycan” ilə “Göyçə” komandaları çıxıb. İlk hissədən üstünlüyü ələ alan “Göyçə” rəqibin qapısından 10 top keçirib. “Qərbi Azərbaycan” bunlardan yalnız birinin əvəzini çıxıb.
19:30
A qrupu
“Qərbi Azərbaycan” – “Göyçə” 1:10
Qollar: Samir Həsənli, Abdulla Mustafayev (4), Xəqani Mazanov (2), Ramin Məmmədov (2), Cavid Məmişov.
Balamir Əzimov.
Ardınca “Qaraqoyunlu” “Çəmbərək” ilə üz-üzə gəlib. İkincilər daha yaxşı oyun nümayiş etdirərək 8:2 hesabı ilə qələbə qazanıblar.
Bakı Tennis Akademiyası
20:30
B qrupu
“Qaraqoyunlu”” – “Çəmbərək” 2:8
Qollar: Azər Hüseynov (4), Azad Əliyev (3), Vüsal Hüseynov.
Ayxan Abbasov (2)
Bununlada 1-ci tur başa çatıb.
Turnir cədvəli
Növbəti oyunlar həftənin bazar günü keçiriləcək.
21 oktyabr
II tur
A qrupu
19:30 “Loru-Borçalı” – “Qərbi Azərbaycan”
22 oktyabr
B qrupu
19:00 “Zəngəzur” – “Çəmbərək”
A qrupu
20:00 “İrəvan” – Göyçə”
B qrupu
21:00 “Ardanış” – “Qaraqoyunlu”
28 oktyabr
III tur
A qrupu
19:30 “Göyçə” – “Loru-Borçalı”
B qrupu
20:30 “İrəvan” – “Qərbi Azərbaycan”
29 oktyabr
B qrupu
19:30 “Qaraqoyunlu”- “Zəngəzur”
20:30 “Ardanış” – “Çəmbərək”
4 noyabr
Yarımfinal
19:30 A1-B2
20:30B1-A2
5 noyabr
19:30 – III yer uğrunda görüş
FİNAL
20:30
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının və Azərbaycan Vəkillər Kollegiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayevin, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir.
Bu il turnirdə 8 komanda – “Qərbi Azərbaycan” (AZƏRTAC), “Zəngəzur” (AzTv), “İrəvan” (Vəkillər Kollegiyası), “Göyçə”, “Loru-Borçalı”, “Qaraqoyunlu”, “Çəmbərək” və “Ardanış” adı altında mübarizə aparacaq. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edir.
“Sultan keramik” və “Bee Tours” və “Mister Tum”un tərəfdaşlığı ilə keçiriləcək Ənənəvi Xatirə Turnirinə informasiya dəstəyini AZƏRTAC, AzTv, “Report” İnformasiya Agentliyi və Rakus.az saytı verir.
