“Göyçə” inamlı qələbə qazanıb - FOTO - VİDEO
Zəfər Günü (8 Noyabr) münasibətilə sabah, oktyabrın 15-də Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turnirində 1-ci turun 3-cü oyunu baş tutub.
Rakus.az xəbər verir ki, A qrupu üzrə yaşıl sahədə ilk olaraq “Qərbi Azərbaycan” ilə “Göyçə” komandaları qarşılaşıb.
İlk hissədən üstünlüyü ələ alan “Göyçə” rəqibin qapısından 10 top keçirib. “Qərbi Azərbaycan” bunlardan yalnız birinin əvəzini çıxıb.
Bakı Tennis Akademiyası
19:30
A qrupu
“Qərbi Azərbaycan” – “Göyçə” 1:10
Qollar: Samir Həsənli, Abdulla Mustafayev (4), Xəqani Namazov (2), Ramin Məmmədov (2), Cavid Məmişov.
Balamir Əzimov.
Xal vəziyyəti:
“Göyçə” 3 xal, “İrəvan” 3 xal, “Loru-Borçalı” 0 xal, “Qərbi Azərbaycan” 0 xal.
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının və Azərbaycan Vəkillər Kollegiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayevin, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir.
Bu il turnirdə 8 komanda – “Qərbi Azərbaycan” (AZƏRTAC), “Zəngəzur” (AzTv), “İrəvan” (Vəkillər Kollegiyası), “Göyçə”, “Loru-Borçalı”, “Qaraqoyunlu”, “Çəmbərək” və “Ardanış” adı altında mübarizə aparacaq. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edir.
“Sultan keramik” və “Bee Tours” və “Mister Tum”un tərəfdaşlığı ilə keçiriləcək Ənənəvi Xatirə Turnirinə informasiya dəstəyini AZƏRTAC, AzTv, “Report” İnformasiya Agentliyi və Rakus.az saytı verir.
