Qərbi Azərbaycan TV 1 yaşını qeyd edir
Bu gün Qərbi Azərbaycan TV-nin 1 yaşı tamam olur.
Rakus.az xəbər verir ki, televiziyanın yarandığı müddətdən bu yana Qərbi Azərbaycan həqiqətlərinin bir neçə dildə geniş auditoriyaya çatdırılması istiqamətində mühüm işlər görüb.
Qərbi Azərbaycan İcmasının İctimaiyyətlə Əlaqələr və Qərbi Azərbaycan Televiziyası şöbəsinin müdiri Ülviyyə Zülfiqar bildirib ki, bu gün zəngin veriliş müxtəlifliyi və məzmun rəngarəngliyi ilə Qərbi Azərbaycan TV mütəmadi olaraq tamaşaçılarının görüşünə gəlir: “Bu kanalın yaradılması soydaşlarımızın sülh yolu ilə, təhlükəsiz və ləyaqətlə geri qayıdışı istiqamətində aparılan işə, o cümlədən maddi – mədəni irsimizin dağıdılmasına diqqət çəkilməsi məsələlərinə öz töhfəsini verir”.
O, daha əvvəl onlayn şəkildə fəaliyyət göstərən, may ayının 1-dən isə Qərbi Azərbaycan İcması tərəfindən bütün imkanlarla təchiz olunmuş yeni binada fəaliyyət göstərən telekanalın səsinin soydaşlarımızın öz ata- baba yurdlarına qayıdışından sonra Qərbi Azərbaycandan gəlməsi niyyəti ilə əməkdaşlarını təbrik edib.
Biz də Qərbi Azərbaycan TV-ni 1 illik fəaliyyəti münasibətilə təbrik edir, əməkdaşlarına yaradıcılıq uğurları arzulayırıq.
