Xatirə Turnirinin FİNAL oyunu – kim çempion olacaq?
Azərbaycan Milli Mətbuatının 150 illik yubileyi, eləcə də Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə sentyabrın 27-dən noyabrın 8-dək təşkil olunan şəhid jurnalistlərin xatirəsinə həvəskar komandalardan ibarət 4-cü Ənənəvi Minifutbol Turnirində bu şənbə günü final oyunu və bağlanış mərasimi keçiriləcək.
Rakus.az xəbər verir ki, noyabrın 8-də Bakı Tennis Akademiyasının stadionunda saat 19:00-da üçüncü yer uğrunda görüş olacaq. “Dəmir Yumruq” ilə “İctimai TV” bürünc medal üçün tər tökəcək.
Komandaların heyətləri:
“Dəmir Yumruq” – Hidayət Xudiyev,Şah Xasıyev, Səhman Xasıyev, İlqar Xələfli, Ramiz Hüseynov, Ziya İlhamoğlu, Emin Qasımov, Amid Cəfərov, Elçin Nəsibov, Ramin Qurbanov, Elçin Cuvarov, Samir Həsənov, Murad Vəliyev.
“İctimai TV” – Vüqar Dadaşov, Elmir Məlikov, Maksim Tsurkov, Cəlaləddin İbişov, Tərlan İsmayılzadə, Qərib Orucov, Emil Mirzəliyev, Ülvi İsmayılov, Cavid Abbasov, İdrak Qəniyev, Fərman Həxiyev, Rüstəm Əhmədov, Yusif Cəbrayılov, Teymur Mikayilov.
1 noyabr
3-cü yer
saat 19:00
“Dəmir Yumruq” – “İctimai TV”
xxx
Bu görüşdən sonra final oyununa start veriləcək.
Turnirin güclü komandaları olan “Aztv” ilə “Veteranlar” kubok uğrunda güclərini sınayacaq. Oyun taktikasına və heyət tərkibinə görə bir-birindən fərqlənən komandalardan kimin çempion olacağı maraq doğurur. Bu matç həm də “ən yaxşı oyunçu”, “ən çox qol vuran oyunçu” və “ən yaxşı qapıçı” nominasiyalarının müəyyənləşməsi baxımından da xüsusi əhəmiyyət daşıyır.
Komandaların heyətləri:
“AzTV” – Cavidan Şükürov, Əbilfəz Şamiyev, Tural Abdullayev, Fuad Eldarov, Lətif Qədimov, Sadiq Nağıyev, İbrahim Məmmədov, Dövlət Rzazadə, Həsən Babazadə, Bəhram Cəbrayılov, Mahir Qafarov, Elnur Məmmədov, Elvin Qulusoy, Sərxan Mustafayev.
xxx
“Veteranlar”– İsrafil İsmayılov, Şükür Məmmədalıyev, Ramiz Vəlizadə, Araz Qurbanov, Zaur Hüseynov, Bayram Süleymanov, Heydər Xudiyev, İmaməddin Zeynalov, Natiq Vəliyev, Əsgər İbrahimov, Elçin Alıyev, Rəşad Məmmədalıyev, Orxan Qasimov, Nihad Zeynalov.
1 noyabr
FİNAL
saat 20:00
“AzTV” – “Veteranlar”
xxx
Final qarşılaşması başa çatdıqdan sonra turnirin mükafatlandırma və bağlanış mərasimi keçiriləcək. Qaliblərə və iştirakçılara kubok, medal, təşəkkürnamə və xatirə hədiyyələri təqdim olunacaq.
Tennis Akademiyasında keçiriləcək oyunları AFFA-nın hakimləri idarə edəcəklər.
xxx
OYUNLARIN CƏDVƏLİ
8 noyabr
3-cü yer
saat 19:00
“Dəmir Yumruq” – “İctimai TV”
FİNAL
saat 20:00
“AzTV” – “Veteranlar”
Bağlanış-Mükafatlandırma
xxx
Hazırda bombardirlik siyahısına hərəyə 9 qolla Səhman Xasıyev (“Dəmir Yunruq”) və Elmir Məlikov (“İctimai TV”) başçılıq edir. “Veteranlar”dan Ramiz Vəlizadə 7, “Dəmir Yumruq”dan Elçin Cuvarov 6 qol vurub.
xxx
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının dəstəyi, Azərbaycan Dövlət Televiziyası (AzTV), Baku TV, Real TV, AZƏRTAC, APA, Yurd Media agentliklərinin və BAKU.WS portalının informasiya dəstəyi, “Bee Tours”, “Mister Tum”un tərəfdaşlığı ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayev, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir.
İldə bir dəfə təşkil olunan turnirin ilk ilində, yəni 2022-ci ildə 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” təmsil olunub. 2023-cü ildə tarixi torpaqlarımız olan İrəvan, Göyçə, Qaraqoyunlu, Loru-Borçalı, Zəngəzur, Vedibasar, Dərələyəz, Talin, Sərdarabad, Ağbaba, Abaran, Dərəçiçək, Amasiya, Çəmbərək, Qəmərli, Ardanış, Qırxbulaq kimi digər mahal, şəhər, rayon və yurdlarımızı təmsil eməsi xüsusi məna daşıyıb. Komandaların sayı 8 olub – “Qərbi Azərbaycan”, “Zəngəzur”, “Göyçə”, “Loru-Borçalı”, “İrəvan”, “Çəmbərək”, “Ardanış” və “Qaraqoyunlu” adı altında mübarizə aparıb. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edib.
2024-cü ildə turnirdə 12 komanda – “Ardanış”, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər”, “Qoşabulaq” və “Göyçə” adı altında mübarizə aparacaq. Yəni medianı 4 komanda təmsil edib.
2025-ci ildə isə turnirdə 12 komanda – AzTv, Baku TV Real Tv, “İctimai TV”, AZƏRTAC, APA, Yurd Media, Baku.WS, “Vətən”, “Veteranlar”, “Zəfər 44”, “Dəmir Yumruq” adı altında mübarizə aparacaq. Medianı 8 komanda təmsil edir.
Turnir hər birində 3 komanda olmaqla 4 qrupdan ibarətdir, sentyabrın 27-də başlayıb noyabrın 1-də başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-B2, C1-D2, B1-A2, D1-C2 ilə görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Turnirin razılaşdırılmış qaydasına əsasən, qarşılaşmalar hər biri 20 dəqiqə olmaqla iki hissədən ibarətdir. Yarımfinal və final oyunları zamanı əsas vaxtda qalib müəyyənləşməzsə, penalti təyin olunacaq. AFFA hakimlərinin idarə edəcəyi turnirin Təşkilat Komitəsi iştirakçı komandaların nümayəndələrindən təşkil olunur və hər bir problemli məsələ komitə tərəfindən verilən qərarla həll edilir. Komandaların 12-14 nəfərlik heyətində yarış başa çatanadək heç bir dəyişiklik reallaşdırılmır.
Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “ən yaxşı qapıçı” və “nümunəvi komanda” nominasiyaları üzrə kubok, medal və hədiyyələr nəzərdə tutulur. İştirakçılar arasında 44 günlük Vətən müharibəsi zamanı ön cəbhələrdən şəhid həmkarları kimi operativ xəbərlər, reportajlar hazırlayan jurnalistlər də var. Şəhid jurnalist Məhərrəm İbrahimovun qardaşı Əsgər İbrahimov “Veteranlar” komandasında çıxış edir. Oyunların şənbə və bazar günləri (açılış günü şənbə saat 19:00 və 20:00-dan başqa) saat 22:00/23:00-da keçirilir. Komandalar özlərinin idman geyimləri ilə yaşıl meydana çıxacaqlar. Oyunları AFFA-nın hakimləri idarə edəcək. Final oyunu bə bağlanış mərasimi noyabrın 1-də şənbə günü saat 19:00/20:00-da baş tutacaq.
