“Qarabağ” çexiyalı qapıçı ilə maraqlanır
“Qarabağ” heyətinə yeni futbolçu cəlb edə bilər.
Rakus.az xəbər verir ki, Ağdam klubu Şotlandiyanın “Sent Mirren” klubunun qapıçısı Vaçlav Xladki ilə maraqlanır. Çempionlar Liqasında mübarizə aparacaq Azərbaycan çempionunun onu komandanın bir nömrəli qapıçısı kimi almaq istədiyi vurğulanıb. Xəbərdə “Qarabağ”ın çexiyalı qapıçını bir müddətdir izlədiyi və onu almaq üçün maddi cəhətdən problem yaşamayacağı bildirilib.
Xladki ilə Ağdam təmsilçisi ilə yanaşı, Moskva “Spartak”ı və İngiltərənin iki klubunun da maraqlandığı iddia olunub. Ancaq “Qarabağ”ın təklif etdiyi məbləğin onun Şotlandiya klubundakı maaşından çox olduğu qeyd olunub. Bu təklifi rədd etməyin çətin olacağı da xəbərdə vurğulanıb.
Xatırladaq ki, Xladki Şotlandiyada pley-off-da “Dandi Yunayted”lə matçda penaltilər seriyasında üç zərbəni dəf edib.(Qol.az)
