Deputatlar Parisə və Belqrada gedəcəklər
Milli Məclisin deputatı Elşad Həsənov Avropa Şurası Parlament Assambleyasının Prosedur qaydaları komitəsinin iclasında iştirak etmək üçün iyunun 2-dən 4-dək Fransanın paytaxtı Parisdə səfərdə olacaq.
Rakus.az xəbər verir ki, bu barədə Milli Məclisin Mətbuat xidmətindən məlumat verilib.
Bildirilib ki, o, komitədə qaldırılan məsələlərə münasibətini bildirəcək.
Deputat Sahibə Qafarova isə Avropa Şurası Parlament Assambleyasının Bərabərlik və qeyri-diskriminasiya komitəsinin iclasında iştirak etmək üçün iyunun 4-dən 6-dək Serbiyanın paytaxtı Belqradda səfərdə olacaq.
Rakus.az xəbər verir ki, bu barədə Milli Məclisin Mətbuat xidmətindən məlumat verilib.
Bildirilib ki, deputat iclasda çıxış edəcək, mövzu ilə bağlı fikirlərini səsləndirəcək.
Sahibə Qafarova iyunun 6-dan 8-dək isə Fransanın paytaxtı Parisdə səfərdə olacaq. O, Azərbaycanda qadınlara seçki hüququnun verilməsinin 100 illiyi ilə əlaqədar ölkəmizdə qadın hərəkatına, qadın hüquqlarının tarixinə və perspektivlərinə həsr olunmuş elmi konfransda iştirak edəcək.
