İnsanlarımız gələcəyə daha inamla baxır – Əli Əhmədov
Azərbaycan Respublikası Baş Nazirinin müavini, Yeni Azərbaycan Partiyası (YAP) Sədrinin müavini – İcra katibi Əli Əhmədov sentyabrın 26-da Abşeron rayonu Xırdalan şəhəri, Heydər Əliyev Mərkəzində gənclərlə görüş keçirib.
Rakus.az xəbər verir ki, görüşdə YAP-ın Sədr müavini, Azərbaycan Milli Elmlər Akademiyasının Prezidenti Akif Əlizadə, YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov və ictimaiyyət nümayəndələri iştirak ediblər.
Ə.Əhmədov Prezident İlham Əliyevin rəhbərliyi ilə Azərbaycanda bütün sahələrdə əldə edilən uğurlardan danışaraq bildirdi ki, Azərbaycanda son 15 ildə böyük inkişaf müşahidə edilib, insanların həyatı yaxşılaşıb, insanlarımız gələcəyə daha inamla baxır.
Tədbirdə Ə.Əhmədov dövlət gənclər siyasətinin əhəmiyyətini yüksək qiymətləndirərək Azərbaycan gəncliyinin Prezident İlham Əliyevin diqqər və qayğısı ilə əhatə olunub. Bildirdi ki, bu gün ölkə gəncliyinin inkişafı üçün bütün imkan və şərait yaradılıb: “Gənclərin üzərinə düşən vəzifə isə yüksək təhsil və bilik qazanaraq dövlətimizin inkişafına töhfə verməkdən ibarətdir”.
