Karate turniri keçiriləcək – Aqarunova həsr olunacaq - FOTO
Sentyabrın 28-29-da Azərbaycanın Milli Qəhrəmanı, tankçı Albert Aqarunovun 50 illik yubileyinə həsr olunmuş “Olimpiya ümidləri” ənənəvi beynəlxalq turnir keçiriləcək.
Rakus.az xəbər verir ki, yarış 6-13 yaşlı uşaqlar arasında təşkil olunacaq.
Gənclər və İdman Nazirliyi, Azərbaycan Karate-Do Federasiyaları Assosiasiyası və Azərbaycan Milli Karate Federasiyası, Veteran Tankçılar Birliyi və Azərbaycan Dağ Yəhudiləri Dini icmasının birgə təşkil etdiyi beynəlxalq xatirə turniri “Sərhədçi” Olimpiya İdman Mərkəzində keçiriləcək.
Sentyabrın 28-də saat 16:00-da turnirin təntənəli açılış mərasimi olacaq. Xatirə turnirinə beynəlxalq hakimlər də dəvət olunub. Yarışda 10-dan çox ölkədən 1000-dək idmançının iştirakı gözlənilir.
Ölkəmizdə multikulturalizmin, tolerantlığın qorunması, gənclərimizdə hərbi vətənpərvərlik ruhunun yüksəldilməsi, Azərbaycanımızın suverenliyi, ərazi bütövlüyü və torpaqlarımızın azadlığı uğrunda şəhid olan qəhrəmanlarımızın döyüş yolunun təbliği məqsədilə belə beynəlxalq idman tədbirlərinin keçirilməsi artıq ənənəyə çevrilib.
