Siyavuş Novruzov Cəmil Həsənliyə iradını bildirdi
Cəmil Həsənli, niyə baş vermiş hadisənin mahiyyətini, sadə həqiqətləri dəyişdirib şər böhtanla məşğul olursunuz? Ən azından bu sizin yaşınıza, saçınızın rənginə yaraşmaz.
Rakus.az xəbər verir ki, bunu millət vəkili, YAP-ın icra katibinin müavini Siyavuş Novruzov bildirib.
Qeyd edib ki, bilənlər bilir ki, Qarabağ döyüşlərində iştirak etmiş Siyavuş Novruzov Qarabağ qaziləri haqqında belə ifadələr işlətməz. Çünki siz hakimiyyətdə oturub torpaq satmaqla məşğul olanda, mən o insanlarla vətən uğrunda çiyin-çiyinə döyüşmüşəm. İstənilən şəxs Google-də axtarış versə, görər ki Siyavuş Novruzovun heç bir mətbuat orqanında bu mövzu ilə bağlı nə bir müsahibəsi, nə də bir kəliməsi belə yoxdur.
Sonda isə fikrini belə ifadə edib: “Təəssüflər olsun ki, öz çirkin niyyətlərinizi həyata keçirmək üçün insanlar arasında ziddiyyət, qarşıdurma, nifaq salmaq, şər-böhtan atmaq sizin adətinizə çevrilib. Xalq hər şeyi çox yaxşı görür. Elə buna görədir ki sizə etimad göstərmir!!!”
