Çeferin Bakıda keçiriləcək oyunla bağlı fikirlərə cavab verdi
Çeferin bildirib ki, həmin qərar düzgün verilib və britaniyalıların narazılığı haqsızdır.
Rakus.az xəbər verir ki, Sloveniyalı funksioner bu ilin mayında Avropa Liqasının final oyunun Bakıda keçirilməsi qərarı ilə bağlı səslənən fikirlərə növbəti dəfə cavab verib.
UEFA prezidenti “Çelsi” ilə “Arsenal” arasındakı həlledici qarşılaşmanın İngiltərədən uzaqda yerləşən Azərbaycanda keçirilməsi ilə bağlı tənqidləri də qəbul etməyib.
O, “The Mirror”a şərh edərkən bildirib ki, “Finalda Azərbaycanın iki komandası oynasaydı və biz bu görüşün Londonda keçirilməsinə qərar versəydik, heç kim şikayətlənməyəcəkdi. İngiltərə Premyer Liqasının prezidenti mənə söyləmişdi ki, Dumanlı Albion klubları ən ucuz bilet və ən bahalı oyunçular istəyirlər. Demək olmaz ki, final məhz İngiltərədə keçirilməli idi. Kim bilərdi ki, həlledici qarşılaşmada İngiltərənin iki komandası üz-üzə gələcək?”
Onun sözlərinə görə, Bakının ev sahibliyi etdiyi finalla bağlı verdiyi qərardan peşman deyil: “Rusiyanın “Zenit” klubu Avropa Liqasını qazanmışdı. Onlar üçün Bakıya getmək Londondan daha yaxındır. Yalnız finaldan bir ay öncə iki ingilis komandasının həlledici görüşdə üz-üzə gələcəyini bildik. Qərarı və yeri dəyişmək mümkün deyil. Çünki il yarım öncədən hazırlıqlar başlayır. Həm də Azərbaycan xalqı çox qürurlu, xoşbəxt idi. Uzaq olduqları üçün bu finalı izləməyə layiq olmadıqlarını düşünmək ayrı-seçkilikdir”
