Sezar Meza Kollin “Keşlə”də qalacaq
Bakının “Keşlə” futbol klubunda icarə əsasında çıxış edən Sezar Meza Kolli komandada qala bilər.
Rakus.az xəbər verir ki, müqavilə ilə Rumıniyanın “Krayova Universitatya” komandasına məxsus olan 29 yaşlı hücumameyilli oyunçuya yeni müqavilə də təklif edilib. Onun Rumıniya klubu ilə sözləşmə müddəti gələn ilin yayına qədərdir. “Keşlə” rəhbərliyi də futbolçunun “Universitatya”dan transfer vərəqəsini özünün almasını istəyir.
Karyerasını Azərbaycanda davam etdirmək istəyən futbolçu Azərbaycan vətəndaşlığı almağa hazırlaşır. Məhz bu səbəbdən o mövsümün sonunda Rumıniya təmsilçisi ilə müqaviləsini ləğv etmək üçün danışıqlar aparacaq.
Xatırladaq ki, 2013-cü ildən Azərbaycan çempionatında oynayan Sezar Meza Kolli “Universitatya”da yarım mövsüm çıxış edib.
