İbrahim Məmmədov bəzi məsələlərə aydınlıq gətirdi - FOTO
“Azərbaycanda 11,6 milyon ədəd maska ehtiyatı var”.
Rakus.az xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib.
Onun sözlərinə görə, yerli maska istehsalı gündəlik 200 minədəkdir.
“Rayonlara gediş-gəliş məsələsinə bugünkü şərtlər daxilində baxılmır”.
İ.Məmmədov deyib ki, ölkədəki epidemioloji vəziyyətdən asılı olaraq, bu məsələ müzakirə oluna bilər.
Ölkədə ilk dəfə mart ayının 19-da rayonlara gediş-gəlişə məhdudiyyət qoyulub.
“Onlayn televiziya əməkdaşlarının işə gəlməsinə qərarda icazə verilmir”.
Onun sözlərinə görə, qərarda televiziya və radio yayımlarının, kabel TV-lərin fəaliyyətinə icazə verilib: “Sərt karantin rejimi cəmi iki gündür. Bu, situasiyanın diktəsindən irəli gələn zərurətdir. Növbəti həftədən fəaliyyətlərini davam etdirərlər”.
“MDB, Yaxın Şərq və Avropa ölkələrindən – üç istiqamətdən vətəndaşların çarter reysləri ilə gətirilməsi üçün qrafik hazırlanır”.
İ.Məmmədov deyib ki, vətəndaşların gətirilməsi qrafik üzrə həyata keçiriləcək: “Həftədə bir çarter reysi olmaqla, proses davam edəcək”.
“Qapanma günlərində insanlar itləri gəzdirməkdə azaddırlar”.
Onun sözlərinə görə, bununla bağlı məhdudiyyət yoxdur: “Amma insanlar bundan sui-istifadə etməməlidirlər”.
