Hikmət Hacıyev vətəndaşlara müraciət etdi
Dünya üzrə koronavirusa yoluxma sayı 21 milyondan çoxdur”.
Rakus.az xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqində deyib.
O bildirib ki, Azərbaycanda son günlər ərzində rəqəmlərdəki müsbət dinamika hər birimizi sevindirir: “Bu rəqəmlərin aşağı düşməsi vətəndaşların məsuliyyətli davranışı və karantin qaydalarına əməl etməsi nəticəsində əldə olunub. Vətəndaşlardan xahiş edirik ki, sosial gigiyana qaydalarına əməl etsinlər və maskadan istifadə etsinlər”.
Onun sözlərinə görə, təhsil müəssisələrinin açılması ilə bağlı məsələ araşdırılır və öyrənilir: “Digər ölkələrin təcrübəsinə də müraciət edilir. Təhsil Nazirliyi tərəfindən ictimai müzakirələr çərçivəsində bu məsələ kompleks şəkildə müzakirə olunur: “Yekdil qərar barədə danışmaq tezdir. Bu, epidemioloji vəziyyətlə bağlı olan bir sahədir. Təhsil müəssisələrinin açılması ilə bağlı məsələyə baxılmaqdadır”.
O deyib ki, çimərliklərdə bir o qədər də sıxlıq müşahidə olunmur. Keçən həftə sonunda müəyyən sıxlıq müşahidə olunmuşdu”.
PA rəsmisi bildirib ki, çimərliklərdə sıxlığın aradan qaldırılması təmin olunub:
“cimerlik.az saytına, təxminən, 40 mindən çox vətəndaşın müraciəti daxil olub”.
