Bülletenlərin DSK-lara paylanmasına başlandı
Bu gün dekabrın 23-də keçiriləcək bələdiyyə seçkiləri ilə əlaqədar seçki bülletenlərinin dairə seçki komissiyalarına paylanmasına başlanıb.
Rakus.az xəbər verir ki, Mərkəzi Seçki Komissiyasının sədr müavini Rövzət Qasımov jurnalistlərə açıqlamasında deyib ki, seçki bülletenlərinin bu gün Naxçıvan Muxtar Respublikasının bütün bölgələrində yerləşən ümumilikdə 24 seçki dairəsinin, dekabrın 16-dək isə respublikanın bütün seçki dairələrinin seçki komissiyalarına verilməsi nəzərdə tutulur.
Xüsusi Dövlət Mühafizə Xidməti tərəfindən həyata keçirilən yüksək təhlükəsizlik şəraitində hazırlanan seçki bülletenlərinin seçki komissiyalarına verildikdən sonra onların daşınması, saxlanması və məntəqə seçki komissiyalarına paylanılması prosesi Daxili İşlər Nazirliyinin müvafiq qurumları tərəfindən təmin ediləcək.
Xatırladaq ki, bələdiyyə seçkiləri ilə əlaqədar 5 milyon 20 min 287 ədəd seçki bülleteni çap olunub.
