Bundesliqada beş əvəzetmə olacaq
Almaniya Futbol Federasiyası (DFB) klubların rəhbərliyi və assosiasiya nümayəndələri ilə keçirdiyi videokonfransda bir sıra qərarlar qəbul edib.
Rakus.az xəbər verir ki, mühüm qərarlardan biri əvəzetmələr ilə bağlı olub. Beləliklə, Birinci və İkinci divizionlarda keçirilən oyunlarda beş əvəzetmə olacaq. Bu qərar iki ay fasilədən sonra futbolçuların zədələnməsi riskini azaltmağa imkan yaradacaq.
Həmçinin iclasda mövsümün tamamlanmaması qərara alınarsa və mövsüm yenidən dayandırılarsa, turnir cədvəlindəki yerlərin bölüşdürülməsi barədə qərar iki həftə ərzində veriləcək. Bundan əlavə, lazım gələrsə komandalar digər stadionlarda oyun keçirə bilərlər.
Xatırladaq ki, mayın 16-da “Borussiya Dortmund” “Şalke” komandası ilə üz-üzə gələcək. “Leyptsiq” isə doğma meydanda “Frayburq” komandasını qəbul edəcək. Turnir cədvəlinin lideri “Bavariya” isə səfərdə “Union Berlin” klubunun qonağı olacaq. Bundesliqa martın 13-də koronavirus pandemiyası səbəbindən dayandırılmışdı.
