“Çəmbərək” qalib gəlib, 1-ci tur başa çatıb - VİDEO
Zəfər Günü (8 Noyabr) münasibətilə sabah, oktyabrın 15-də Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turnirində 1-ci turun son oyunu keçirilib.
Rakus.az xəbər verir ki, A və B qrupu üzrə 1-ci turun son 2 qarşılaşma olub.
“Qaraqoyunlu” “Çəmbərək” ilə üz-üzə gəlib. İkincilər daha yaxşı oyun nümayiş etdirərək 8:2 hesabı ilə qələbə qazanıblar.
Komandaların heyətləri belədir:
“Qaraqoyunlu” – Natiq Vəliyev, Elvin Bayramov, Orxan Gülməmmədli, Sirac Məmmədli, Ayxan Abbasov, Əli Quliyev, Rəşad Məmmədalıyev, Elmar Bağırov, İmaməddin Zeynalov, Rəşad Quliyev, Əsgər İbrahimov.
“Çəmbərək” – Azər Hüseynov, Emin Qasımov, Qasım Məmmədov, Ramiz Hüseynov, Tariq Qasımov, Nicat İbrahimov, Vüsal Hüseynov, Azər Məmmədzadə, Ramazan Abbasov, Vüqar Hüseynov, Azad Əliyev, Murad Məmmədov.
Bakı Tennis Akademiyası
20:30
B qrupu
“Qaraqoyunlu”” – “Çəmbərək” 2:8
Qollar: Azər Hüseynov (4), Azad Əliyev (3), Vüsal Hüseynov.
Ayxan Abbasov (2)
Komandaların xalları:
“Çəmbərək” 3 xal, “Ardanış” 3 xal., “Zəngəzur” 0 xal, “Qaraqoyunlu” 0 xal
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının və Azərbaycan Vəkillər Kollegiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayevin, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir.
Bu il turnirdə 8 komanda – “Qərbi Azərbaycan” (AZƏRTAC), “Zəngəzur” (AzTv), “İrəvan” (Vəkillər Kollegiyası), “Göyçə”, “Loru-Borçalı”, “Qaraqoyunlu”, “Çəmbərək” və “Ardanış” adı altında mübarizə aparacaq. Medianı “Qərbi Azərbaycan” adı ilə AZƏRTAC, “Zəngəzur” adı ilə AzTv təmsil edir.
“Sultan keramik” və “Bee Tours” və “Mister Tum”un tərəfdaşlığı ilə keçiriləcək Ənənəvi Xatirə Turnirinə informasiya dəstəyini AZƏRTAC, AzTv, “Report” İnformasiya Agentliyi və Rakus.az saytı verir.
