Çempion bəlli oldu – “Novoivanovka” ilk kuboku qazandı - VİDEO
Ardanış Futbol Məktəbinin təşkilatçılığı ilə Zəfər Günü (8 Noyabr) münasibətilə şəhid jurnalist Məhərrəm İbrahimov və Sirac Abışovun xatirəsinə keçirilən həvəskar komandalardan ibarət Ənənəvi Futbol Turnirində çempion bəlli olub.
Rakus.az xəbər verir ki, Azərbaycanın Dövlət Himni səsləndirildikdən sonra sahəyə üçüncü yer uğrunda mübarizə aparan komandalar çıxıb. “Ada Təpə” və “Ardanış”ın gücü eyni dəyərləndirilsə də, üstün tərəf 3 cavabsız qolla müəyyənləşib. “Ada Təpə” oyunçuları İsa İsayev, Aqil Qurbanov və Şükür Məmmədalıyev vurduqları qolla bürünc medalı adlarına yazdırıblar.
“Ada Təpə” – “Ardanış” – 3:0
Qollar: İsa İsayev, Aqil Qurbanov, Şükür Məmmədalıyev
Bundan sonra final matçı baş tutub. “Göyçə” ilə “Novoivanovka” qarşılaşmasında əsas və əlavə vaxt 0:0 hesabı ilə başa çatıb. Penaltilər seriyasında “Novoivamovka” 5:3 hesabı ilə çempion elan olunub.
“Novoivanovka” – “Göyçə” – 0:0 (penal 5:3)
Bombardirlik siyahısına 4 qolla Rüstəm Abdullayev və İsa İsayev başçılıq ediblər. Emin İmaməliyev (3), Şükür Məmmədalıyev (3), Samir Əliyev (2), Azər Hüseynov (2), Qasım Məmmədov (2), Samir Həsənli (2), Elmin Əlizadə (2), Emin Qasımov (1), Əsgər İbrahimov (1), Vasif Əliyev (1), Əfqan Əliyev (1), İlkin Ağayev (1), Nihad Vəliyev (1), Nurlan Aşırov (1), Səhman Xasıyev (1) qol vurub.
Xatırladaq ki, turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, Məhərrəm və Siracın timsalında şəhid olan igidlərin öz peşələrindən əlavə, idmana olan marağını gənclərə aşılamaq, yeni nəslin sağlam ruhda vətənpərvər böyüməsinə töhfə verməkdir. Ənənəvi Futbol Turnirində 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” mübarizə aparıb.
