Elektrik qatarlarının marşrutu Ağstafayadək uzadılacaq
“Azərbaycan Dəmir Yolları” QSC elektrik qatarlarının marşrutunu Ağstafaya qədər uzatmağı planlaşdırır.
Rakus.az xəbər verir ki, bu barədə “Azərbaycan Dəmir Yolları” QSC-nin sədri Cavid Qurbanov Yeni Azərbaycan Partiyasının qərargahında keçirilən mətbuat konfransında bildirib.
“Azərbaycan dəmir yollarında stabil cərəyandan dəyişən cərəyan keçilir. Böyük Kəsikdən Gəncəyə qədər olan ərazini dəyişən cərəyana keçirilməsi 5-6 ay vaxt tələb edir. Çalışacağıq ki, 2 ay ərzində Ağstafaya gedən qatarların sürətini tənzimləyib, açaq”, – deyə C. Qurbanov qeyd edib.
Ağstafadan Qazaxa 15 km-lik məsafədir və QSC-in sədrinin fikrinə görə, Ağstafa yolu yaxşı işləsə Qazax sakinləri də bu yoldan istifadə edə bilər: “Qazax stansiyası hələlik istifadəyə verilmir, çünki o intensiv deyil və xərcləri var. Stansiya öz xeyrini ödəmədiyi üçün bu məsələ bir qədər çətin olacaq”.
Bundan başqa, onun sözlərinə görə, Şahdağa çəkiləcək dəmiryolu xəttinin layihələndirilməsinə başlanılıb. Bunun üçün artıq 3 mln. manat pul ayrılıb.
