Prezident İlham Əliyev Əli Həsənovun Azərbaycan Respublikası Prezidentinin ictimai siyasi məsələlər üzrə köməkçisi – şöbə müdiri vəzifəsindən azad edilməsi haqqında sərəncam imzalayıb.
Rakus.az xəbər verir ki, sərəncama əsasən, Əli Məhəmmədəli oğlu Həsənov Azərbaycan Respublikası Prezidentinin ictimai siyasi məsələlər üzrə köməkçisi – şöbə müdiri vəzifəsindən azad edilib.
Prezident İlham Əliyev Dilarə Seyidzadənin Prezidentin Katibliyinin rəisi – Prezidentin köməkçisi vəzifəsindən azad edilməsi haqqında da sərəncam imzalayıb.
Sənədə əsasən, Dilarə Bağır qızı Seyidzadə Prezidentin Katibliyinin rəisi – Prezidentin köməkçisi vəzifəsindən azad olunub.
Dövlət başçısının digər sərəncamı ilə Prezidentin Katibliyinin rəisi – Prezidentin köməkçisi vəzifəsi ləğv edilib.
Prezident İlham Əliyev Etibar Nəcəfovun Azərbaycan Respublikası Prezidentinin Administrasiyasının Millətlərarası münasibətlər, multikulturalizm və dini məsələlər şöbəsinin müdiri vəzifəsindən azad edilməsi haqqında sərəncam imzalayıb.
Sərəncama əsasən, Etibar Əli oğlu Nəcəfov Azərbaycan Respublikası Prezidentinin Administrasiyasının Millətlərarası münasibətlər, multikulturalizm və dini məsələlər şöbəsinin müdiri vəzifəsindən azad edilib.
Dövlət başçısının digər sərəncamı ilə Prezident Administrasiyasının Millətlərarası münasibətlər, multikulturalizm və dini məsələlər şöbəsi ilə Humanitar siyasət şöbəsi birləşdirilərək Prezident Administrasiyasının Humanitar siyasət, diaspora, multikulturalizm və dini məsələlər şöbəsi yaradılıb.
Şöbəyə Fərəh Əliyeva müdir təyin olunub.
