“EYOF Bakı 2019”: Cüdoçumuz yarımfinala çıxdı
Avropa Gənclər Olimpiya Festivalının cüdo yarışlarında Azərbaycan təmsilçisi yarımfinala vəsiqə qazanıb.
Rakus.az xəbər verir ki, oğlanların yarışında uğurla çıxış edən Turan Bayramov (60 kq) səkkizdəbir finalda Adam Saferini (Avstriya), dörddəbir finalda yunanıstanlı Mikis Tontimidisi ipponla məğlub edərək yarımfinala yüksəlib.
Şükran Zamanlı (55 kq) onaltıdabir finalda Portuqaliya təmsilçisi Migel Qaqo üzərində təmiz qələbə qazansa da, sonrakı mərhələdə macarıstanlı Benko Farkasın öhdəsindən gələ bilməyib.
Qadın güləşi üzrə Gülşən Bəşirova (44 kq) səkkizdəbir finalda ispaniyalı Mariya Qonzalesi 2:1 hesabı ilə məğlub edərək dörddəbir finala adlayıb.
İsmayıl Qənbərli (50 kq) səkkizdəbir finalda rusiyalı Sergey Mastriukova, Səbinə Əliyeva (48 kq) isə portuqaliyalı Raquel Britoya uduzub.
Xatırladaq ki, festivalda 40 ölkədən 297 cüdoçu iştirak edir. Azərbaycan bu nüfuzlu turnirdə 12 cüdoçu (8 oğlan, 4 qız) ilə təmsil olunur.
