Güləşçilər Dünya Kubokunda mübarizəyə başlayır
Bu gün yunan-Roma güləşi üzrə Azərbaycan millisi Serbiyanın paytaxtı Belqradda keçirilən Fərdi Dünya Kubokunda mübarizəyə başlayır.
Rakus.az xəbər verir ki, ölkə güləşin bu növündə səkkiz idmançı ilə təmsil olunur.
Bunlar Eldəniz Əzizli (55 kq), Nihat Məmmədli 60 (kq), Taleh Məmmədov (63 kq), İslambek Dadov (67 kq), Ülvi Qənizadə (72 kq), Sənan Süleymanov (77 kq), İslam Abbasov (87 kq) və Beka Kandelakidir (130 kq).
55 kq
1/8 final: Eldəniz Əzizli – Sebastyan Kolompar (Serbiya)
60 kq
1/8 final: Nihat Məmmədli – Viktor Çiobanu (Moldova)
63 kq
1/8 final: Taleh Məmmədov – Aleksey Masik (Ukrayna)
67 kq
Təsnifat: İslambek Dadov – Ruben Marvike (İtaliya)
72 kq
1/8 final: Ülvi Qənizadə – İbrahim Qanem (Fransa)
77 kq
Təsnifat: Sənan Süleymanov – Paskal Eysele (Almaniya)
87 kq
1/8 final: İslam Abbasov – Bəşir Sid Azara (Əlcəzair)
130 kq
1/8 final: Beka Kandelaki – Alin Kiurariu (Rumıniya)
Xatırladaq ki, Fərdi Dünya Kubokunda I-S kateqoriyalı hakim Asif Şirəliyev ədaləti qoruyacaq. Dünya Kubokuna dekabrın 18-də yekun vurulacaq.
