Hande Harmancı Azərbaycanı tələsməməyə çağırdı
Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı bu gün onlayn brifinq keçirib.
Rakus.az xəbər verir ki, onun sözlərinə görə, Azərbaycan hökuməti ictimai səhiyyə tədbirlərini zamanında görən ölkələrdən biridir. Sosial həyatın bərpa edilməsi üçün karantin rejiminin yumşaldılması üçün verdiyi qərarın tez və ya gec olmasını bir müddət sonra görəcəyik.
O deyib ki, xəstəlik sayının artması da verilən qərardan ən azı 10 gün sonra özünü büruzə verəcək: “Tövsiyəm odur ki, əhali çölə çıxdıqda sosial məsafəni qorumalı, əllərin tez-tez yuyulması, xəstə olan halda evdən çıxılmaması vacibdir. Biz bilirik ki, məhdudiyyətlərin yumşalması tədbirlərindən sonra da koronavirusa yoluxma halları artacaq. Amma ümid edirik ki, insanlar sosial məsafəni qorumağa diqqət edəcəklər. Ən azından bir araya gələndə virusa yoluxma sayını azalda bilək”.
ÜST rəsmisi bildirib ki, həmin ərəfələrdə əgər xəstələnmə halı çoxalsa bu dövlətin və ya ÜST-nin işinin düzgün olması demək deyil.
