İkinci turun mənzərəsi: epizodlar, qollar, növbəti oyunlar və bombardirlər – CƏDVƏL - FOTO - VİDEO
Azərbaycan Milli Mətbuatının 150 illik yubileyi, eləcə də Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə sentyabrın 27-dən noyabrın 8-dək keçirilən şəhid jurnalistlərin xatirəsinə həvəskar komandalardan ibarət 4-cü Ənənəvi Minifutbol Turniri davam edir.
Rakus.az xəbər verir ki, oktyabrın 4-5-də – ötən şənbə və bazar günü ikinci tur çərçivəsində A qrupu üzrə “APA” və “Baku WS” görüşüb. Matç 6:2 hesabı ilə “APA”nın xeyrinə tamamlanıb. Bu nəticədən sonra A qrupunda iki dəfə məğlub olan “Baku WS” turniri tərk edib. Üç xala sahib olan “Real TV” ilə “APA” oktyabrın 11-də saat 23:00-da 3-cü tur çərçivəsində qrupun liderliyi uğrunda tər tökəcək.
Bakı Tennis Akademiyası
04 Oktyabr
II tur – A qrupu
22:00 “APA” – “Baku WS” – 6:2
Qollar: Uluçay Məmmədov 3, Əlirza Əlirzalı, Rasim Sultanzadə, Əmir Quluzadə.
Şahin Həbibov 2.
xxx
Saat 23:00-da B qrupunda “Baku TV” ilə “AZƏRTAC” qarşılaşıb. Televiziya təmsilçilərinin 2:1 hesablı qələbəsi agentlik komandasını turnirdən kənarda qoyub. Qrupun son oyunu oktyabrın 12-də “AzTV” ilə “Baku TV” arasında baş tutacaq və qrupun lideri bəlli olacaq.
Bakı Tennis Akademiyası
04 Oktyabr
II tur – B qrupu
23:00 “Baku TV” – “AZƏRTAC” – 2:1
Qollar: Nurani İsgəndərov, Seymur Əliyev,
İlkin Cavanşirov
Qarşılaşmaları AFFA-nın hakimləri Mahir Məmmədov və Elgün Hüseynov idarə ediblər.
xxx
Oktyabrın 5-də C qrupunda “Yurd.Media” və “Zəfər 44” komandaları qarşılaşıb. “Zəfər 44″ 4:2 hesablı qələbə qazanmaqla növbəti mərhələyə çıxmaq şansını artırıb. Bu nəticədən sonra qrupdakı vəziyyətə “Yurd.Media” ilə “Dəmir Yumruq” qarşılaşmasından sonra aydınlıq gələcək.
Bakı Tennis Akademiyası
05 Oktyabr
II tur – C qrupu
22:00 “Yurd.Media” – “Zəfər 44” – 2:4
Qollar: Babək Əliyev 3, Ramin Teyubov
Asif Nərimanlı, Eltac Nurullazadə
Sarı kart: İlkin Muradov (Yurd.Media)
xxx
Saat 23:00-da D qrupunun ikinci oyununda “Veteranlar” “Vətən” ilə sahəyə çıxıb. Gərgin mübarizə şəraitində keçən oyunda tərəflər yaşıl meydandan 1:1 hesablı sülhlə ayrılıblar. Bu nəticədən sonra növbəti mərhələyə çıxmaq üçün maraqlı vəziyyət yaranıb. “Veteranlar” 2 xalla qrup lideri olsalar da bu vəziyyət qrupun son oyununda dəyişə bilər. Belə ki, hərəyə bir xal toplayan “İctimai TV” və “Vətən” komandaları qrupda qalma mübarizəsi aparacaqlar.
Bakı Tennis Akademiyası
05 Oktyabr
II tur – D qrupu
23:00 “Vətən” – “Veteranlar” – 1:1
Qollar: Ramiz Vəlizadə – (“Veteranlar”)
Azər Hüseynov – “Vətən”
Oyunları AFFA-nın hakimləri Kənan Məlikov və Vüsal Balaşov idarə ediblər.
xxx
Növbəti oyunlar oktyabrın 11-12-də – şənbə və bazar günləri keçiriləcək.
11 oktyabr
A qrupu 23:00 – “Real TV” – “APA”
B qrupu 22:00 – “İctimai TV” – “Vətən”
12 oktyabr
D qrupu 22:00 – “Baku TV” – “AzTV”
C qrupu 23:00 – “Yurd.Media” – “Dəmir Yumruq”
xxx
Hazırda bombardirlər siyahısına 4 qolla Babək Əliyev (“Zəfər 44”) rəhbərlik edir. Onu 3 qolla Ramiz Vəlizadə (“Veteranlar”), Mahir Qafarov (“AzTV”), Ulucay Məmmədov (“APA”) və Elmir Məlikov (“İctimai TV”) izləyir.
