İbrahim Məmmədovun çıxışından SİTATLAR
Nazirlər Kabineti yanında Operativ Qərargahda mətbuat konfransı keçirilib.
Rakus.az xəbər verir ki, mətbuat konfransında qurumun Mətbuat Xidmətinin rəhbəri İbrahim Məmmədov mühüm məlumatlar verib. Onun çıxışından lazım olan sitatları təqdim edirik.
Karantin bu tarixdə yenidən yumşaldılacaq
“Restoranların açılması qadağandır, yaşayış yerini tərk etmək üçün icazə qüvvədədir. Hazırda 65 yaşdan yuxarı şəxslərin evdən çıxması qadağandır. Mayın 11-də xüsusi karantin rejimi yenidən yumşaldıla bilər. O zaman onlarla bağlı icazəyə baxıla bilər. Hazırda 65 yaşdan yuxarı insanların evdən çıxması ilə bağlı qadağa bütün ölkədə qüvvədədir.
Bu ərazilərdə gediş-gəliş qadağandır
Narıncı zolaqlara, yəni Bakı, Sumqayıt, Gəncə, Lənkəran şəhərlərinə və Abşeron rayonuna gediş-gəliş qadağası qüvvədə qalır. Sarı və narıncı zolaq daxilində gediş-gəliş qərarı qüvvədə qalır.
Yoluxma yenidən artır
Ötən iki həftə ərzində Azərbaycanda koronavirusa yoluxma azalıb. Amma aprelin 27-dən sonra yenidən yoluxma sayında artım müşahidə olunub. Ölkədə xüsusi karantin rejimi yenidən yumşaldılır. Yoluxma halları çox olan Bakı, Sumqayıt, Gəncə, Abşeron və Lənkəranda karantin rejiminin yumşaldılması istisna olunur.
Bu şəxslərin Bakıya qayıtmasına icazə verildi
Sarı zolaqlardan narıncı zolağa gediş-gəliş qadağası qüvvədə qalır. Bakı şəhərində qeydiyyatda olanların geri qayıtmasına icazə var. Bu, qadağadan öncə də qüvvədə idi.
Metronun açılacaqmı?
Metronun fəaliyyətinin bərpa olunması məsələsi müzakirə olunur”. Ola bilər ki, növbəti həftə metronun fəaliyyəti bərpa olunsun. Hər şey situasiyadan asılıdır. Ola bilər ki, metronun fəaliyyəti bərpa olunmasın.
