İlham Əliyev Nikol Paşinyanı növbəti dəfə susdurdu – Millət vəkili
Respublika Prezidenti İlham Əliyev Ermənistanın baş naziri Nikol Paşinyanı növbəti dəfə beynəlxalq arenada susdurdu.
Rakus.az xəbər verir ki, bunu Milli Məclisin deputatı Aydın Hüseynov bildirib.
Millət vəkili qeyd etdi ki, Dövlət Başçıları Şurasının iclasında Ermənistanın baş naziri Nikol Paşinyanın Qaregin Njdeni Ermənistanın türk işğalına və türklərin təşkil etdikləri ermənilərin soyqırımına qarşı mübarizə aparan şəxs kimi təqdim etməsinə Prezident İlham Əliyevin tutarlı və arqumentli cavabı artıq xarici ölkələrdə də geniş müzakirə olunmaqdadır. Çünki Ermənistan rəhbərliyi faşizmin ideoloji xəttinə əsaslanaraq beynəlxalq aləmə meydan oxumaq fikrindədir. Yerevanda daşnak ordusunun keçmiş generalı, agentura işi çərçivəsində almanların yanında Qaregin Njde ləqəbi ilə xidmət etmiş satqın Ter-Arutyunyana heykəl qoyub onun xatirəsini ədədiləşdirmək buna növbəti əyani sübutdur. Bəşəriyyət faşizmi insanlığa və humanizmə real təhlükə hesab edərək ona qarşı birləşdiyi halda Ermənistan rəhbərliyi fazişmə xidmət göstərənləri əbədiləşdirməyə çalışır.
Sonda millət vəkili fikrini belə əsaslandırdı: “Dövlət başçımızın konkret faktlara əsaslanan çıxışı Ermənistan rəhbərliyinin faşizm siyasətinə bağlı olduğunu bir daha təsdiqləməklə dünya ictimaiyyətinə növbəti mesaj kimi yüksək dəyərləndirilir. Tədbirdə iştirak edən dövlət başçıları tərəfindən bu faktlar diqqətlə dinlənildi və ictimaiyyət tərəfindən geniş müzakirələrə səbəb oldu. Artıq xarici siyayətçilər və ekspertlər də Respublika Prezidenti İlham Əliyevin bu fikrini dəstəkləyir və real faktlarla Ermənistan rəhbərliyinin faşizm siyasətinə bağlı olduğunu ciddi tənqid edir”.
