İspaniya La Liqasında gərginlik artır
İyunun 14-də futbol üzrə İspaniya La Liqasının 28-ci turunun növbəti oyunları keçirilib.
Rakus.az xəbər verir ki, çempionluğa iddialı “Real Madrid” öz meydanında “Eybar” komandasını qəbul edib.
Görüş Madrid təmsilçisinin 3:1 hesablı qələbəsi ilə başa çatıb.
“Real”ın heyətində Toni Kross, Serxio Ramos və Marselo, “Eybar”ın isə Pedri Biqas fərqləniblər.
Bu qələbədən sonra xal ehtiyatını 59-a çatdıran “Real” çempionluq yolunda əsas rəqibi sayılan “Barselona” ilə xal fərqini ikiyə çatdırıb.
Xatırladaq ki, “Barselona” iyunun 13-də səfərdə “Malyorka”nı məğlub etmişdi – 4:0.
Turun digər oyunlarında aşağıdakı hesablar qeydə alınıb:
“Sevilya” – “Real Betis” – 2:0;
“Qranada” – “Xetafe” – 2:1;
“Valensiya” – “Levante” – 1:1;
“Espanyol” – “Deportivo Alaves” – 2:0;
“Selta Viqo” – “Vilyareal” – 0:1;
“Leqanes” – “Real Valladolid” – 1:2;
“Atletik Bilbao” – “Atletiko Madrid” – 1:1.
