Kənan Həsənəliyev 15 yaşında Stanford Universitetinə qəbul olundu - FOTO
Azərbaycanlı Kənan Həsənəliyev 15 yaşında Stanford Universitetinə qəbul olunub.
Rakus.az xəbər verir ki, ABŞ-ın çoxsaylı nəşrlərində Kənan Həsənəliyev haqqında yazılar dərc olunub
“Kənan fitri qabliyyət sahibidir, onu 5 yaşından tanıyıram. Hələ 2009-cu ildə Çapel Hilldə yerləşən Şimalı Karolina Universitetində çalışan zaman Kənanın atası Orxan Həsənəliyevlə tanış olmuşdum. Atası Orxan müəllim Şimali Karolinada Universitetdə dərs deyirdi…
Kənan hələ 6-cı sinifdə təhsilini 3 pillə qabaqlamışdır. O, 6-cı sinifdə oxuyarkən AP Calculus və Calculus İİ fənnlərini mənimsəmiş və 8-ci sinifdə oxuyarkən ali riyazıyat fənnlərini öyrənmək üçün Şimali Karolina Universitetində magistr səviyyəli dərslər götürmüşdür. Bu günlərdə Kənan ABŞ-ın Kaliforniya ştatında yerləşən dünya şöhrətli Stanford Universitetinə qəbul alıb və təqaüd qazanıb. 15 yaşlı Kənan gələn ilin sonunda yaşadığı Cary şəhərində orta məktəbi bitirdikdən sonra ailəsi ilə birlikdə Kaliforniya ştatına köçəcək və riyaziyyat elminin dərinliklərini Stanford Universitetində öyrənəcək”,- iqtisadçı Qubad İbadoğlu vurğulayıb.
