“Loru-Borçalı” ilə “Qərbi Azərbaycan” yaşıl sahədə görüşür
Oktyabrın 21-də Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turnirinin 2-ci turunda ilk oyun keçiriləcək.
Rakus.az xəbər verir ki, Bakı Tennis Akademiyasında A qrupu üzrə “Loru-Borçalı” “Qərbi Azərbaycan”ı qəbul edəcək.
Bu görüş hər iki komanda üçün son dərəcə əhəmiyyətli sayılır. Belə ki, bu komandalar turnirin ilk turunda A qrupundakı rəqiblərinə məğlub olublar. “Loru-Borçalı” “İrəvan”a, “Qərbi Azərbaycan” isə qrupun lideri “Göyçə” komandasına uduzub. Ona görə də bu qarşılaşmada qələbə qazanmaq son dərəcə vacibdir.
Onu da diqqətə çatdıraq ki, bugünkü görüşdə komandaların birinin məğlubiyyəti qrupdan çıxmaq şansını itirəcək və bütün ümidlərin üstündən xətt çəkəcək.
Heç-heçə isə hər iki komanda üçün sonuncu şans yaradacaq.
Oyun saat 19:30-da başlayacaq və AFFA kökənli hakim Rəsul Babayev idarə edəcək.
21 oktyabr
A qrupu
Saat 19:30
“Loru-Borçalı” “Qərbi Azərbaycan”
