Məleykə Abbaszadə qəbul imtahanlarının vaxtını AÇIQLADI
“Qəbul imtahanlarının iyulun 20-dən sonra bir dəfə keçirilməsi nəzərdə tutulur”.
Rakus.az xəbər verir ki, bunu Nazirlər Kabineti yanında operativ qərargahın KİV nümayəndələri üçün keçirdiyi brifinqdə Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bildirib.
O dyib ki, tarix dəyişə bilər: “Bu, vəziyyətdən asılıdır. Əvvəlki illərdə olduğu kimi, müsabiqə buraxılış və qəbul imtahanlarında toplanan ballar əsasında – 700 ballıq şkala əsasında aparılacaq. I-IV ixtisas qruplarının biri üzrə imtahanda iştirak etmiş abituriyentlər, eyni zamanda, V ixtisas qrupu üzrə müsabiqədə iştirak edə bilərlər (qabiliyyət imtahanında müvəffəqiyyət qazanmaq şərti ilə)”.
Azərbaycanda bu şagirdlər onlayn imtahan verəcəklər
O deyib ki, tədrisi Azərbaycan dilindən fərqli dildə olan məktəblərin 11-ci sinif məzunları üçün imtahan evdən onlayn və ya imtahan mərkəzlərində elektron və ya kağız daşıyıcılar vasitəsilə keçiriləcək. İmtahanda evdən onlayn iştirak etmək istəyən məzunlar müəyyənləşdiriləcək texniki şərtlərə malik olmalıdırlar: “Tədrisi Azərbaycan dilindən fərqli dildə olan məktəblərin 11-ci sinif şagirdləri üçün Azərbaycan dili (dövlət dili kimi) imtahanı üzrə mayın 20-dən etibarən onlayn sınaq imtahanları keçiriləcək”.
Sədr əlavə edib ki, bu imtahanlarda cari ilin məzunları və mayın 20-dək ali və orta ixtisas təhsili müəssisələrinə qəbul olmaq üçün ərizələrini təsdiq etmiş abituriyentlər (ötən illərin məzunları) iştirak edə biləcəklər.
Martın 1-dən sonra tədris olunan mövzular…
DİM sədi bildirib ki, qəbul imtahanı proqramlarından martın 1-dən sonra tədris olunan mövzular (11-ci sinifə aid) çıxarılır: “İmtahanlarda həmin mövzuların qiymətləndirilməsi nəzərdə tutulmur”.
