Millətlər Liqasının püşkatma mərasimi keçiriləcək
Bu gün UEFA Millətlər Liqasının püşkatma mərasimi keçiriləcək.
Rakus.az xəbər verir ki, Niderlandın paytaxtı Amsterdamda olacaq tədbir Bakı vaxtı ilə saat 21:00-da başlayacaq.
Püşkatma nəticəsində, millimizin C Liqasındakı rəqibləri müəyyənləşəcək Komandanın potensial rəqibləri Yunanıstan, Albaniya, Monteneqro, Gürcüstan, Şimali Makedoniya, Kosovo, Belarus, Kipr, Estoniya, Sloveniya, Litva və Lüksemburqdur. Yığma C Liqasının 4-cü səbətində yer aldığı üçün Ermənistan, Qazaxıstan və Moldovaya rəqib ola bilməyəcək.
Liqaların tərkibi belədir:
A Liqası
1-ci səbət: Portuqaliya (2018/2019 mövsümünün qalibi), Niderland, İngiltərə, İsveçrə
2-ci səbət: Belçika, Fransa, İspaniya, İtaliya
3-cü səbət: Bosniya və Herseqovina, Ukrayna, Danimarka, İsveç
4-cü səbət: Xorvatiya, Polşa, Almaniya, İslandiya
B Liqası
1-ci səbət: Rusiya, Avstriya, Uels, Çexiya
2-ci səbət: Şotlandiya, Norveç, Serbiya, Finlandiya
3-cü səbət: Slovakiya, Türkiyə, İrlandiya, Şimali İrlandiya
4-cü səbət: Bolqarıstan, İsrail, Macarıstan, Rumıniya
C Liqası
1-ci səbət: Yunanıstan, Albaniya, Monteneqro, Gürcüstan
2-ci səbət: Şimali Makedoniya, Kosovo, Belarus, Kipr
3-cü səbət: Estoniya, Sloveniya, Litva, Lüksemburq
4-cü səbət: Ermənistan, AZƏRBAYCAN, Qazaxıstan, Moldova
D Liqası
1-ci səbət: Cəbəllütariq, Farer adaları, Latviya, Lixtenşteyn
2-ci səbət: Andorra, Malta, San-Marino
Millətlər Liqasının qrup oyunlarının təqvimi
I tur: 1 – 3 sentyabr
II tur: 6 – 8 sentyabr
III tur: 8 – 10 oktyabr
IV tur: 11 – 13 oktyabr
V tur: 12 – 14 noyabr
VI tur: 15 – 17 noyabr
Xatırladaq ki, Millətlər Liqasının qalibi yenə A Liqasında birinci yeri tutan 4 komanda arasında 2 – 6 iyun 2021-ci ildə təşkil olunacaq görüşlərdən sonra müəyyənləşəcək. Turnirin ilk qalibi Portuqaliya millisidir.
