Millimizin “büdrətdiyi” favoritlər - VİDEO
Azərbaycan yığmasının 27 illik tarixi ərzində seçmə oyunlarda xal aldığı ən yüksək reytinqli və statuslu komanda Xorvatiyadır.
Rakus.az xəbər verir ki, mövcud statusuna əsasən vitse-dünya çempionu olan Xorvatiya millisi FİFA-nın son reytinq cədvəlində 7-ci sırada qərarlaşıb.
İndiyədək yığmamız seçmə mərhələlərdə bir neçə dəfə qrup favoritlərindən xal alsa da, onların arasında dünya və Avropa çempionatlarının finalçısı, FİFA-nın son reytinqində ilk “yeddilik”də yer alan komanda olmayıb.
2002-ci ildə dünya 3-cüsü olan Türkiyə millisinə “ay-ulduzlular” bu statusunu itirdikdən xeyli sonra – 2010-cu ildə Bakıda qalib gəlmişik.
Portuqaliya ilə məşhur heç-heçə qeydə alındığı zaman isə (1999) bu komandanın AVRO-2004-ün finalında oynamasına hələ 5 il qalırdı. (Sportinfo.az)
