Bu gün 3 dairənin nəticələri ləğv oluna bilər – SİYAHI
Bu gün Mərkəzi Seçki Komissiyası (MSK) Milli Məclisə seçkilərlə əlaqədar daxil olan daha bir neçə müraciətə baxacaq.
Rakus.az xəbər verir ki, bununla bağlı MSK-nın iclasında müvafiq qərarlar qəbul ediləcək.
Bunların arasında 81 saylı Beyləqan Seçki Dairəsi (bu dairədə YAP-ın namizədi Şahin İsmayılov lider namizəd elan olunub), 42 saylı Sumqayıt Seçki Dairəsi (bu dairədə lider namizəd Tahir Mirkişilidir), həmçinin 45 saylı Abşeron Seçki Dairəsi (burada lider namizəd Oqtay Əsədovdur) var.
Xatırladaq ki, MSK-nın fevralın 13-də keçirilmiş iclasında ümumilikdə 4 dairədə keçirilmiş seçkinin nəticələrinin ləğv edilməsi ilə bağlı qərar qəbul edilib.
Nəticələri ləğv edilmiş dairələr aşağıdakılardır:
– 80 saylı İmişli-Beyləqan seçki dairəsi – lider namizəd Çingiz Qənizadə
– 74 saylı Lənkəran kənd seçki dairəsi – lider namizəd Hadı Rəcəbli
– 35 saylı Xətai üçüncü seçki dairəsi – lider namizəd Rauf Arifoğlu
– 33 saylı Xətai birinci seçki dairəsi – lider namizəd Hüseynbala Mirələmov.
