Prezidentin fərmanı iqtisadiyyatın strukturunu formalaşdırdı – Deputat
“Azərbaycan iqtisadiyyatı getdikcə daha da güclənir. Ölkəmiz cənubi Qafqazın 85% iqtisadiyyatını özündə birləşdirərək dünya iqtisadiyyatına inteqrasiya edir, iqtisadi əlaqələr genişlənir və xarici investisiya artır. Azərbaycan artıq böyük qlobal lahiyələrə imza atıb. Əgər iqtisadiyyat artırsa, istiqamətləri genişlənirsə, ona uyğun da struktur formalaşmalı, səlahiyyəti artırmalıdır”.
Rakus.az xəbər verir ki, bunu millət vəkili Aydın Heseynov bildirib.
Qeyd edib ki, Respublika Prezidenti cənab İlham Əliyevin fərmanı ilə Azərbaycan Respublikasının Vergilər Nazirliyi, Azərbaycan Respublikasının Əmlak Məsələləri Dövlət Komitəsi və Azərbaycan Respublikasının Antiinhisar və İstehlak Bazarına Nəzarət Dövlət Agentliyi müvafiq dövlət xidmətləri statusunda Azərbaycan Respublikasının İqtisadiyyat Nazirliyinin strukturuna daxil edilməsi qeyd etdiyimiz kimi iqtisadi inkisafimizi sürətləndirməkl tapşırıqların icrasının effektivliyini təmin edəcək.
Cənab Prezident yeni təyin olunmuş iqtisadiyyat naziri Mikayıl Cabbarovu qəbul edərək qarşıda duran bir sıra problemlərin aradan qaldırılması üçün tapşırıqlarını verdi. O cümlədən “kölgə iqtisadiyyatı”ndan danışıldı. Çünki bu bütün dövlətlər üçün problemdir, adından göründüyü kimi burada şəffaflıq yoxdur. Statistikası aparılmayan bir iqtisadiyyatdır. Bu mənada “kölgə iqtisadiyyatı” ölkənin iqtisadi təhlilinin düzgün aparılmasına ciddi maneə olur, əngəl törədir.
Qeyd olundu ki, dövlət başçısının müdrik siyasətinə uyğun olaraq iqtisadi islahatlar genişlənir və “kölgə iqtisadiyyatı” aradan qaldırılır. Ötən il bütövlükdə Vergilər Nazirliyinin xətti ilə büdcəyə nəzərdə tutulan proqnozdan artıq – 250 milyondan çox vəsaitin daxil olması buna əyani sübutdur.
Sonda millət vəkili əminliklə bildirdi ki, dövlət başçımızın bu fərmanı iqtisadiyyatımızın dinamik inkişafına müsbət təsir etməklə xalğımızın sosial şəraitinin daha da yaxşılaşmasına, ölkəmizin iqtisadi qüdrətinin durmadan yüksəlməsinə öz müsbət təsirini göstərəcək.
