“Qarabağ” APOEL-lə qarşılaşacaq
Bu gün Avropa Liqasının qrup mərhələsində 4-cü tura yekun vurulacaq.
Rakus.az xəbər verir ki, Avropa Liqasının qrup mərhələsində mübarizə aparan Ağdam klubu Kiprdə APOEL-lə qarşılaşacaq.
Üç turdan sonra 4 xalla A qrupunda 2-ci pillədə qərarlaşan “Qarabağ” 1/16 final şanslarını çətinə salmamaq üçün səfərdə uduzmamalıdır. Bir xalla qrup sonuncusu olan Nikosiya təmsilçisinə də qələbə çox vacibdir. Bu baxımdan “Qarabağ”ı asan oyun gözləmədiyini demək olar.
Bu, “Qarabağ”ın APOEL-lə mövsümdə 4-cü oyunu olacaq. Əvvəlcə Çempionlar Liqasının 3-cü təsnifat mərhələsində səfərdə 2:1 hesabı ilə qalib gələn Qurban Qurbanovun komandası doğma meydanda 0:2 uduzaraq, tunirlə vidalaşmışdı. Avroliqanın qrupunda Bakıdakı oyunda isə qalib müəyyənləşməyib – 2:2. Heç-heçə də “Qarabağ”ı ikincilik mübarizəsində daha şanslı saxlayacaq.
Qeyd edək ki, bu gün A qrupunun digər oyununda “Sevilya” (İspaniya) səfərdə “Düdelanj”la (Lüksemburq) qarşılaşacaq. İspaniya klubu bu turdan asılı olaraq nəinki 1/16 finala vəsiqəni, hətta 1-ci yeri də təmin edə bilər.
7 noyabr
Avropa Liqası
A qrupu
21:55. APOEL (Kipr) – “Qarabağ” (Azərbaycan)
Hakimlər: Manuel Şuttenqruber, Roland Brandner, Robert Steynaşer, Kristofer Yaqer (hamısı Avstriya).
Nikosiya. GSP stadionu
21:55. “Düdelanj” (Lüksemburq) – “Sevilya” (İspaniya)
| 1. | Sevilya | 3 | 3 | 0 | 0 | 7:0 | 9 |
| 2. | Qarabağ | 3 | 1 | 1 | 1 | 6:6 | 4 |
| 3. | Düdelanj | 3 | 1 | 0 | 2 | 5:10 | 3 |
| 4. | APOEL | 3 | 0 | 1 | 2 | 5:7 | 1 |
