“Qarabağ”ın potensial rəqibi müəyyənləşir
Bu gün Çempionlar Liqasında 3-cü təsnifat mərhələsinin püşkü atılacaq.
Rakus.az xəbər verir ki, İsveçrənin Nyon şəhərində keçiriləcək tədbir Bakı vaxtı ilə saat 14:00-da başlayacaq.
Mərasimdə ölkəmizin ÇL-dəki yeganə təmsilçisi “Qarabağ”ın da 3-cü raunddakı potensial rəqibi məlum olacaq. 2-ci təsnifat mərhələsində İrlandiya “Dundalk”ı ilə qarşılaşacaq Ağdam təmsilçisi püşkatmada səpələnməmişlər səbətində yer alacaq. Bu isə o deməkdir ki, Qurban Qurbanovun komandası hazırkı rəqibini keçərsə, 3-cü raundda nisbətən reytinqi yüksək olan, səpələnmişlər səbətindəki komandalardan biri ilə düşəcək.
Xatırladaq ki, 3-cü təsnifat mərhələsində ilk oyunlar avqustun 6-7-də, cavab matçları isə 13-də keçiriləcək.
Çempionlar Liqası, III təsnifat mərhələsi
Çempionlar yolu
Səpələnmişlər
“Ayaks” (Hollandiya)
“Seltik” (Şotlandiya) – “Nomme Kalyu” (Estoniya) cütünün qalibi
“Kopenhagen” (Danimarka) – TNS (Uels) cütünün qalibi
“Dinamo” (Zaqreb, Xorvatiya) – “Saburtalo” (Gürcüstan) cütünün qalibi
BATE (Belarus) – “Rusenborq” (Norveç) cütünün qalibi
APOEL (Nikosiya, Kipr) – “Sutyeska” (Monteneqro) cütünün qalibi
Səpələnməmişlər
PAOK (Yunanıstan)
“Dandolk” (İrlandiya) – “Qarabağ” (Azərbaycan) cütünün qalibi
“Maribor” (Sloveniya) – AIK (İsveç) cütünün qalibi
“Srvena Zvezda” (Serbiya) – HİK (Finlandiya) cütünün qalibi
“Makkabi” (Tel-Əviv, İsrail) – “CFR Kluj” (Rumıniya) cütünün qalibi
“Ferensvaroş” (Macarıstan) – “Valetta” (Malta) cütünün qalibi
Liqa yolu
Səpələnmişlər
“Portu” (Portuqaliya)
“Dinamo” (Kyev, Ukrayna)
“Bazel” (İsveçrə) – PSV (Hollandiya) cütünün qalibi
“Olimpiakos” (Yunanıstan) – “Viktoriya” (Plzen Çexiya)
Səpələnməmişlər
“Brügge” (Belçika)
“Krasnodar” (Rusiya)
“Başakşəhər” (Türkiyə)
LASK (Avstriya)
(qol.az)
