Salyanda koronavirusa qarşı dezinfeksiya işləri aparılır - FOTO
Salyanda koronavirusa qarşı dezinfeksiyaedici tədbirlər davam etdirilir.
Rakus.az xəbər verir ki, martın 27-də Salyanda koronavirusa yoluxma hallarına yol verilməməsi, bu sahədə aparılan profilaktik tədbirlərin səmərəliliyinin yüksəldilməsi məqsədi ilə rayonun mərkəzi küçələri, o cümlədən 20 Yanvar, Ə.Quliyev küçələrində, Dəmiryolu vağzalının ətrafında, ərazidə fəaliyyət göstərən iaşə obyektlərində kütləvi dezinfeksiya işləri aparılıb.
Bundan əvvəl isə martın 25-də Salyan Rayon İcra Hakimiyyəti yanında yaradılan qərərgahın iş planına uyğun olaraq, xəstəliyə yoluxma hallarına yol verilməməsi və qarşısının alınması, bu sahədə aparılan müvafiq profilaktik tədbirlərin effektivliyinin yüksəldilməsi üçün rayon ərazisində dezinfeksiya işləri aparılıb. Dezinfeksiya tədbirləri rayonun Qarabağlı kəndi ərazisində xüsusi dezinfeksiyavericilər tərəfindən həyata keçirilib.
Xatırladaq ki, koronavirus (COVID -19) əleyhinə profilaktiki tədbirlər çərçivəsində həyata keçirilən dezinfeksiya işləri rayonun mərkəzində və ətraf kəndlərində bundan sonra mütəmadi davam etdiriləcək.
