Seçici dəstəyinin sirri: Abbas Bağırov görüşlərini davam etdirir - FOTO
Azərbaycanın 39 saylı Kəpəz birinci (Gəncə) seçki dairəsindən deputatlığa namizəd Abbas Əli oğlu Bağırov seçiciləri ilə həm yaşayış məntəqələrində, həm də seçki qərargahında görüşlərini aktiv şəkildə davam etdirir.
Rakus.az xəbər verir ki, seçki komandasının üzvləri ilə piyada gəzintiyə çıxan A.Bağırov yanvarın 29-da və 30-da bir sıra küçə və yaşayış massivlərində sakinlərini ziyarət edib.
Bir gündə rayonun 4-5 yaşayış məntəqəsində və seçki qərargahında seçicilərlə görüşlər keçirdiyini deyən deputatlığa namizəd seçicilərin problemləri, təklifləri, arzu və istəkləri ilə maraqlanaraq həlli yerində mümkün olan problemlərə operativ kömək etməyə çalışır. Keçirilən görüşlərdə seçicilər daha çox müxtəlif sosial məsələlərin həllinə ehtiyac olduğunu vurğulayıblar.
Deputatlığa namizəd seçicilər tərəfindən qaldırılan bu məsələləri diqqətlə dinləyərək, onların həll edilməsinin mümkün olduğunu bildirib və seçciləri Milli Məclisə keçirilən növbədənkənar seçkilərdə fəal iştirak etməyə çağırıb.
Görüş iştirakçıları bu çağrışa qoşularaq, seçki günü müvafiq məntəqələrə gələrək Abbas Bağırovu dəstəkləyəcəklərini bildiriblər.
39 saylı Kğəpəz seçki dairəsinə təqdim edilən təbliğat və təşviqat planına uyğun olaraq, digər ərazilərdə də görüşlərin keçirilməsi nəzərdə tutulub.
