Tələbələrə kəsri düzəltmək üçün şansı yaradılacaq – RƏSMİ
Təhsil Nazirliyinin sektor müdiri Yaşar Ömərov Nazirlər Kabinetinin “Koronavirus (COVID-19) pandemiyasının ölkənin təhsil müəssisələrində təhsil prosesinə mənfi təsirinin aradan qaldırılması ilə bağlı bəzi tədbirlər barədə” Qərarı ilə bağlı sualları cavablandırıb.
Rakus.az xəbər verir ki, onun sözlərinə görə, əgər yay imtahan sessiyasında tələbənin 3 fəndən kəsiri yaranarsa, ona yenidən imtahan vermək şansı yaradılacaq. Tələbə senytabrın 15-nə kimi təkrar imtahan verməsə, yəni onun üçün yaradılan imkandan istifadə etməsə, o təqaüd ala bilməyəcək.
O deyib: “Senytyabrın 15-nə kimi kəsr imtahanlarını verən tələbələr təqaüd almaq üçün müsabiqəyə qatıla biləcəklər: “Əvvəl belə şans verilmirdi. Lakin bu o demək deyil ki, kəsiri ödəyən bütün tələbələr təqaüd alacaq. Təqaüd almaq üçün müəyyən limit var. Magistraturaya ixtisas seçiminin iyunun sonunda olacağı gözlənilir. Magistraturaya qəbul imtahanı bitib və tələbələr öz nəticələrini bilirlər. Yalnız ixtisas seçimi qalıb. O da iyunun sonunda olacaq. Xüsusi təyinatlı ali təhsil müəsissəsələrində dövlət imtahanının ləğv edilməsi ilə bağlı qərarı həmin təhsil ocaqları özləri verməlidir. Əgər belə bir qərar qəbul edilsə, nəzərə alınacaq”.
