Birinci vitse-prezident: “Teymuru səmimi qəlbdən təbrik edirəm!”
Azərbaycan Respublikasının Birinci vitse-prezidenti Mehriban Əliyeva ölkəmizin şahmat tarixində ilk dəfə Dünya Kubokuna sahib olan Teymur Rəcəbovu “İnstagram” səhifəsində təbrik edib.
Rakus.az xəbər verir ki, təbrikdə deyilir: “Azərbaycan növbəti böyük uğura imza atıb. Gənc istedadımız Teymur Rəcəbov şahmat üzrə Dünya Kubokunda ölkəmizi layiqincə təmsil edərək parlaq qələbə qazanıb. Bütün Azərbaycan xalqının sevincinə səbəb olan bu möhtəşəm qələbə münasibətilə Teymuru səmimi qəlbdən təbrik edirəm!”
Xatırladaq ki, Azərbaycanlı şahmatçı Teymur Rəcəbov Rusiyada keçirilən Dünya Kubokunun qalibi olub. Şahmatçımız iki 5 dəqiqəlik blits görüşlərin hər ikisində çinli rəqibi Dinq Lijeni məğlub edərək ilk dəfə Dünya Kubokunun qalibi olan azərbaycanlı şahmatçı adını qazanıb.
