Turnirin yarımfinalı – epizodlar, qollar, finalın anonsu – CƏDVƏL - VİDEO
Zəfər Günü (8 Noyabr) münasibətilə şəhid jurnalist Məhərrəm İbrahimov və Sirac Abışovun xatirəsinə keçirilən həvəskar komandalardan ibarət Ənənəvi Futbol Turniri davam edir,
Rakus.az xəbər verir ki, oktyabrın 30-da turnirin yarımfinal oyunları baş tutub. A və B qrupü üzrə birinci və ikinci yeri tutan komandalar qarşılaşıb.
Meydana ilk olaraq “Ardanış” və “Novoivanovka” komandaları çıxıb. Böyük maraq doğuran bu qarşılaşmada komandalar əsas və əlavə vaxtda sahədən sülhlə ayrılıblar – 2:2. Penaltiləri “Novoivanovka” daha dəqiq yerinə yetirib və 5:4 qalib gəlib.
“Göyçə” – “Ada Təpə” oyunu da gərgin keçib. Baxımlı mübarizə şəraitində keçən görüşdə qapılardan 4 qol keçib – 2:2. Əlavə vaxtda da hesab dəyişməyib və “Göyçə” on bir metrlik cərimə zərbələri ilə yaşıl meydandan qalib ayrılıb – 12:11.
Oyunlarda ən yaxşı oyunçu “Novoivanovka”dan Qasım Məmmədov, “Göyçədən”dən Samir Həsənli seçiliblər.
“Ardanış” – “Novoivanovka” – 2:2
Qollar: Ramiz Hüseynov, İmaməddin Zeynalov (Ardanış), Emin İmaməliyev, Qasım Məmmədov (Novoivanovka)
“Göyçə” – “Ada Təpə” – 2:2
Qollar: Samir Həsənli, Səhman Xasıyev (“Göyçə), İsa İsayev 2 (Ada Təpə)
Hazırda bombardirlik siyahısına 4 qolla Rüstəm Abdullayev başçılıq edir. Emin İmaməliyev (3), İsa İsayev (3) Samir Əliyev (2), Şükür Məmmədalıyev (2), Azər Hüseynov (2), Qasım Məmmədov (2), Samir Həsənli (2), Elmin Əlizadə (2), Emin Qasımov (1), Əsgər İbrahimov (1), Vasif Əliyev (1), Əfqan Əliyev (1), İlkin Ağayev (1), Nihad Vəliyev (1), Nurlan Aşırov (1), Səhman Xasıyev (1) qol vurub.
Turnirdə 3-cü yer uğurunda və oyunları həftənin bazar günü keçiriləcək.
06 noyabr
3-cü yer
09:30 “Ardanış” – “Ada Təpə”
Final
10:30 “Novoivanovka” – “Göyçə”
11:00 Bağlanış mərasimi
Xatırladaq ki, turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, Məhərrəm və Siracın timsalında şəhid olan igidlərin öz peşələrindən əlavə, idmana olan marağını gənclərə aşılamaq, yeni nəslin sağlam ruhda vətənpərvər böyüməsinə töhfə verməkdir. Ənənəvi Futbol Turnirində 6 komanda – “Ardanış”, “Göyçə”, “Sadaxlı”, “Ada Təpə”, “Novoivanovka” və “Media” mübarizə aparır.
