Üçüncü tur – epizodlar, qollar, bombardirlər, növbəti oyunlar
Zəfər Günü (8 Noyabr) münasibətilə Azərbaycanın şəhid jurnalistlərinin xatirəsinə həvəskar komandalardan ibarət 2-ci Ənənəvi Futbol Turniri davam edir.
Rakus.az xəbər verir ki, sabah, oktyabrın 28-də və 29-da turnirin sonuncu- 3-cü turu keçirilib, A və B qrupü üzrə 3 görüş baş tutub. Bir oyunda isə texniki məğlubiyyət qeydə alınıb.
Beləliklə, noyabrın 1-də baş tutacaq yarımfinal oyunlarının 4 iştirakçısı tam bəlli olub.
Oktyabrın 28-də meydana ilk olaraqA qrupu üzrə “Göyçə” ilə “Loru-Borçalı” komandaları çıxıb. Böyük maraq doğuran bu qarşılaşmada “Loru-Borçalı” rəqibini 7:4 məğlub edib.
B qrupu üzrə “İrəvan” – “Qərbi Azərbaycan” qarşılaşması olub. Görüşdə “İrəvan” rəqibin qapısından 10 qol keçirib, 3 top buraxıb.
28 oktyabr
A qrupu
19:30 “Göyçə” – “Loru-Borçalı” – 4:7
B qrupu
28 oktyabr
A qrupu
20:30 “İrəvan” – “Qərbi Azərbaycan” – 10:3
Qollar: Valeh Mehralıyev, İlkin Ələsgərov, Ümman Ağamalıyev 4, Emin Zeynalov, Rauf Əmiraslanov 2, Rəfail Abbasov
Oktyabrın 29-da – bazar günü A qrupunda “Ardanış” – “Çəmbərək” görüşü yaddaqalan olub. Qarşılıqlı hücum dolu qarşılaşmada “Çəmbərək” daha üstün olub və sahədən 4:3 qalib ayrılıb.
B qrupunda digər oyun “Qaraqoyunlu” ilə “Zəngəzur” arasında olmalı idi. Lakin “Zəngəzur” komandasının oyuna gələ bilməyib. Nəticədə turnirin Təşkilat Komitəsinin qərarı ilə həmin komandaya 3:0 texniki məğlubiyyət verilib və “Qaraqoyunlu”nun aktivinə 3 xal yazılıb.
A qrupunda rəqiblərindən geri qalmayan “Göyçə” və “Qərbi Azərbaycan”, B qrupunda isə ən gənc oyunçulara sahib “Qaraqoyunlu” və “Zəngəzur” mübarizəni dayandırıb.
Hazırda bombardirlik siyahısına 10 qolla Anar Verdiyev və Nəcəf Nəcəfzadə (hər ikisi “Loru-Borçalı”) başçılıq edir.
A qrupunun birincisi “İrəvan” B qrupunun 2-cisi “Ardanış ilə, B qrupunun birincisi “Çəmbərək” A qrupunun 2-cisi “Loru- Borçalı” ilə qarşılaşacaq.
Yarımfinal oyunları noyabrın 1-də saat 20:00-da və 21:00-da baş tutacaq.
1 noyabr
Yarımfinal
saat 20:00 “İrəvan” – “Ardanış”
saat 21:00 “Çəmbərək” – “Loru-Borçalı”
Final, 3-cü yer uğurunda görüş və bağlanış mərasimi bazar günü – noyabrın 5-də Bakı Tennis Akademiyasında keçiriləcək.
5 noyabr
19:00 III yer uğrunda görüş
20:00 Final və bağlanış mərasimi
Xatırladaq ki, Ardanış Futbol Akademiyasının və Rakus.az saytının təşkilatçılığı, Bakı Tennis Akademiyasının və Azərbaycan Vəkillər Kollegiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin xatirəsini anmaq, 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayevin, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın öz peşələrindən əlavə, yeni nəslin sağlam ruhda vətənpərvər böyüməsinə töhfə verməkdir. Ənənəvi Futbol Turnirində 8 komanda – “Ardanış”, “Göyçə”, “Loru-Borçalı”, “İrəvan”, “Qərbi Azərbaycan”, “Zəngəzur”, “Çəmbərək” və “Qaraqoyunlu” mübarizə aparır.
