Virusa yoluxma riski ilə üz-üzə qalan həkimlər sığortalanacaqmı?
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev həkimlərin sığorta olunması məsələsinə münasibət bildirib.
Rakus.az xəbər verir ki, o, Nazirlər Kabineti yanında operativ qərargahın keçirdiyi mətbuat konfransında bildirib ki, bu məsələ aidiyyəti qurumlarla müzakirə edilib:
“Həkimlər koronavirusla mübarizədə virusa yoluxma riski ilə üz-üzə qalırlar. Onlara iş yerində bədbəxt hadisədən sığortalanma tətbiq edilə bilər. Aidiyyəti qurumların bu barədə təkliflərlə çıxış etməsini gözləyirik”.
“Bu, ilkin olaraq müzakirə olunub və müsbət qarşılanıb. Yaxın zamanda tətbiq olunmasına başlanıla bilər”, – deyə sədr qeyd edib.
Azərbaycanda koronavirusa yoluxan hər xəstəyə bu qədər vəsait xərclənir
“Azərbaycanda koronavirusdan müalicə olunan xəstələrə bir gün xərclənən vəsait 80-150 manat arasında dəyişir”.
Onun sözlərinə görə, bu, mart ayı üçün hesablanan rəqəmdir. Aprel ayının rəqəmləri analiz edilir. Bu məbləğə xəstənin yemək, müalicə xərcləri, geyimi, maskası, həkimlərin əməkhaqları, verilən əlavələr və geyimlər daxildir.
Onun sözlərinə görə, şimal və cənub zonalarında koronavirusa yoluxmalar sərhədlərdən keçən həmvətənlərimizin xəstəliyi özləri ilə gətirməsi nəticəsində olub. Rusiyadan Azərbaycana gələn vətəndaşlarımızın əksəriyyətində koronavirus testləri pozitiv olub. Cənub zonasında yoluxma əsasən, İrandan gələn vətəndaşlarda aşkar edilir. Lənkəran və Cəlilabad zonasında koronavirusa bu kimi yoluxma halları baş vermişdi. Zaman-zaman ocaqlar ortaya çıxır. Salyanda da dünən bu, meydana çıxmışdı.
