“Vosmoy bazarı” – satıcılar alıcı gözləyir - FOTO
İnsanların böyük əksəriyyətinin alış-veriş üçün üz tutduğu Bakının 8-ci kilometr qəsəbəsində yerləşən bazar karantin günlərində də işləyir.
Rakus.az xəbər verir ki, rəsmi olaraq “Ticarət mərkəzi-4” ASC adlanan bazar yerinə görə əhali arasında “Vosmoy bazarı” kimi tanınır.
Karantin rejimi nəzərə alınaraq, bazarda çalışan şəxslər maska və əlcəklərdən istifadə edir. Mövcud vəziyyətlə bağlı alıcıların sayı kifayət qədər azdır.
Lakin bazarın bütün hissələrində satıcılar ara məsafəsini gözləməklə piştaxtalar qurub. Məhsullarda isə qıtlıq yoxdur. Bazarda, demək olar ki, maskasız, əlcəksiz satıcı tapmaq olmur.
Xatırladaq ki, Nazirlər Kabineti yanında operativ qərargahın qərarına əsasən, koronavirusla mübarizə tədbirləri çərçivəsində ölkə üzrə iri ticarət mərkəzlərinin, iaşə obyektlərinin fəaliyyəti karantin müddəti bitənə qədər dayandırılıb.
Oxu.az-ın əməkdaşı “Vosmoy bazarı”nda bir gün keçirib və burada hələ də qaynayan həyatı kameranın yaddaşına köçürüb:
