Xarici ali təhsil ixtisasının tanınması və nostrifikasiyası qaydaları açıqlandı
Xarici ali təhsil ixtisasının ölkəmizdə tanınması və nostrifikasiyası qaydaları ilə bağlı əsas məqamlar açıqlanıb.
Rakus.az xəbər verir ki, Təhsil Nazirliyindən verilən məlumata görə, xarici ali təhsil ixtisasının ölkəmizdə tanınması və nostrifikasiyası üçün Təhsildə Keyfiyyət Təminatı Agentliyinə müraciət edilməlidir.
Ərizələrin qəbulu yalnız elektron qaydada www.tkta.edu.az vasitəsilə həyata keçirilir. İnternet səhifəsinin “Nostrifikasiya – Tələb olunan sənədlər” bölməsində müvafiq sənədlərin siyahısı və yüklənmə qaydası barədə məlumat verilir. Proses zamanı rast gəlinən hər hansı problemlə bağlı şəxsiyyət vəsiqəsinin FİN kodu qeyd edilməklə, esupport@tkta.edu.az ünvanına müraciət etmək olar.
Agentliyin fəaliyyəti istiqamətində dövlət xidmətlərinin göstərilməsini təmin etmək üçün mayın 31-dək müraciətlər 146-1 Telefon Məlumat Mərkəzi, eləcə də qebul@tkta.edu.az və ya info@tkta.edu.az elektron poçt ünvanları vasitəsilə cavablandırılacaq.
Vətəndaşların Agentliyin internet saytının (www.tkta.edu.az) “Nostrifikasiya” və “Mütəmadi verilən suallar” bölmələri ilə tanış olması tövsiyə edilir.
