Yeni təşkilat – QAAT-ın təsis konfransı keçirilib
Sentyabrın 22-də Qərbi Azərbaycan (indiki Ermənistan) Azadlıq Təşkilatının (QAAT) təsis konfransı keçirilib.
QAAT-ın mətbuat xidmətinin məlumatına görə, konfransın gündəliyinə Qərbi Azərbaycana (Ermənistana) Qayıdış Birliyinin adının dəyişdirilməsi, yeni adda olan təşkilatın nizamnaməsinin təsdiqi, yeni tərkibdə İdarə heyəti və Mərkəzi Nəzarət Təftiş komitəsinin üzvlərinin, müavinlərin və sədrlərin seçilməsi, sənədlərin dövlət qeydiyyatına alınması məsələləri salınıb.
Müzakirələr nəticəsində günün tələblərinə uyğun olaraq artıq birliyin təşkilata çevrilməsi məsələsi qaldırıldı. Konfransda iştirak edənlər təşkilata bir neçə variantda ad təkilf etdilər. Açıq səsvermə yolu ilə təşkilatın adı Qərbi Azərbaycan (indiki Ermənistan) Azadlıq Təşkilatı (QAAT) olaraq qəbul edildi. Sonra təşkilatın yeni Nizamnaməsi müzakirə olundu və yekdilliklə təsdiq edildi. Təşkilata yeni tərkibdə 11 nəfərdən ibarət İdarə heyəti seçildi və onların tərkibindən Əli Vəliyev sədr və Namiq Aslanov, İntiqam Qasımov, Qəhrəman Qəhrəmanov müavin seçildilər.
Konfrans həm də təşkilatın Mərkəzi Nəzarət Təftiş Komitəsinin 5 nəfədən ibarət üzvünü və bu tərkibdən Kamran Qasımovu sədr və Könul Vəliyevanı müavin seçdi. Təşkilatın sənədlərinin hazırlanıb dövlət qeydiyyatına verilməsi Rövşən Həsənova həvalə edildi. Bunula konfrans öz işini bitirdi.
