Uşaqların Beynəlxalq Müdafiəsi Günüdür
İyunun 1-i Uşaqların Beynəlxalq Müdafiəsi günüdür.
Rakus.az xəbər verir ki, bu barədə qərar 1950-ci il iyunun 1-də BMT Baş Assambleyasının təşkilatçılığı ilə keçirilən qadınların beynəlxalq konfransında qəbul edilib.
Azərbaycanda uşaq problemləri hər zaman diqqət mərkəzində olub. Ümummilli lider Heydər Əliyev uşaqlara böyük qayğı göstərib. Prezident İlham Əliyev də bu sahəni prioritetlər sırasına daxil edib. Ölkəmizdə uşaqların firavanlığı, xoşbəxt sabahı üçün mühüm tədbirlər həyata keçirilir. Ölkədə Ailə, Qadın və Uşaq Problemləri üzrə Dövlət Komitəsi fəaliyyət göstərir. Milli Məclisdə Ailə, Qadın və Uşaq məsələləri Komitəsi yaradılıb. Dövlət başçısının 2009-cu ili ölkəmizdə “Uşaq ili” elan etməsi də bu sahəyə diqqətin təzahürüdür. Uşaqlara sevgi, humanist münasibət Heydər Əliyev Fondunun da əsas fəaliyyət istiqamətlərindəndir. Azərbaycanın Birinci vitse-prezidenti Mehriban Əliyeva “Uşaqlara yaxşılıq nə qədər çox olsa, yenə azdır” devizini əsas tutaraq, bu sahədə mühüm layihələr həyata keçirir. (AzTV)
