Azərbaycan Millətlər Liqasında növbəti matçına çıxır
Bu gün futbol üzrə Azərbaycan millisi UEFA Millətlər Liqasında yeni mövsümə start verəcək.
Rakus.az xəbər verir ki, komandamız yeni baş məşqçi Canni De Byazinin rəhbərliyi altında ilk oyununu C Liqasının 1-ci qrupunda Lüksemburq millisinə qarşı keçirəcək. Uzun müddətli fasilədən sonra meydana qayıdan yığmamız Bakıda oynasa da, meydanda pandemiyaya görə azarkeş dəstəyindən məhrum olacaq.
Millimiz cırtdan komandaya heç vaxt məğlub olmasa da, rəqib komandanın son illər güclənməsi, heyətində çoxsaylı Almaniya, Fransa çempionatlarında çıxış edən oyunçuların olması birtərəfli oyunun keçməyəcəyi anlamına gəlir.
Millətlər Liqası
C liqası, 1-ci qrup
20:00 Azərbaycan – Lüksemburq
Hakimlər: Kristofer Kavanaq, Denyl Riçard Kuk, Şon Masi-Elis, Pol Terni (hamısı İngiltərə)
Bakı Olimpiya Stadionu
Qrupun digər matçında eyni vaxtda Kirp öz meydanında Monteneqronu qəbul edəcək.
